| e-texts navigator |
| Wylie |
328b1 སྡུག་བསྔལ་བརྒྱད་ལས་ཐར་ནས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ལྡན་པར་གྱུར་ཅིག་། མར་མེ་འདི་བྱོལ་སོང་རྣམས་ཀྱི་གནས་སུ་སྣང་ཞིང་གསལ་བར་གྱུར་ཅིག་།བྱོལ་སོང་དེ་དག་གཅིག་ལ་གཅིག་ཟ་བ་དང་། བརྡེག
328b2 བརྡུང་དང་། གསད་པ་དང་། བཀོལ་བའི་སྡུག་བསྔལ་དང་། བླུན་རྨོངས་ལས་ཐར་ཤེས་རབ་རྣམ་པ་གསུམ་དང་ལྡན་པར་གྱུར་ཅིག་།མར་མེ་འདི་གཤིན་རྗེའི་འཇིག་རྟེན་དུ་སྣང་ཞིང་གསལ་བར་གྱུར་ཅིག་།གཤིན་རྗེ
328b3 རྣམས་གསོད་གཅོད་བྱེད་པ་དང་། བརྡེག་བརྡུང་གི་ལས་ལས་ཐར་ནས་དེ་བཞིན་གཤེགས་པ་ཐམས་ཅད་ཀྱིས་ཕ་རོལ་ཏུ་ཕྱིན་པ་བསྒྲགས་པས་སེམས་ཅན་ཐམས་ཅད་གཏོང་བའི་སེམས་འབྱུང་བར་གྱུར་ཅིག་།མར་མེ་འདི་པྲེ་ཏའི
328b4 གནས་སུ་གསལ་བར་གྱུར་ཅིག་། པྲེ་ཏ་རྣམས་ཀྱང་བཀྲེས་སྐོམ་གྱི་སྡུག་བསྔལ་ལས་ཐར་ནས་བྱང་ཆུབ་སེམས་དཔའ་ནམ་མཁའ་མཛོད་ཀྱི་ཐུགས་རྗེ་ཆེན་པོའི་བྱིན་གྱི་རླབས་ཀྱིས་ཟས་དང་སྐོམ་གྱིས་ཕོངས་པ་རྣམས་ལོངས
328b5 སྤྱོད་ཟད་མི་ཤེས་པ་དང་ལྡན་ཞིང་སྦྱིན་པའི་ཕ་རོལ་ཏུ་ཕྱིན་པའི་དབང་དང་ལྡན་པར་གྱུར་ཅིག་། མར་མེ་འདི་ན་རཀ་རྣམས་ཀྱི་གནས་སུ་གསལ་བར་གྱུར་ཅིག་།ན་རཀ་ནི་སྔོན་གྱི་ལས་ངན་པའི་རྣམ་པར་སྨིན་པས་ཚ་གྲང་གི
328b6 སྡུག་བསྔལ་བཟོད་པར་དཀའ་བ་ཉམས་སུ་མྱོང་བ་ལས། འཕགས་པ་སྤྱན་རས་གཟིགས་དབང་ཕྱུག་གི་ཐུགས་རྗེའི་བྱིན་གྱི་རླབས་ཀྱིས་དམྱལ་བའི་སྡུག་བསྔལ་ཚད་མེད་པ་ལས་ཐར་ནས་བཟོད་པའི་ཕ་རོལ་ཏུ་ཕྱིན་པ་དང་ལྡན
328b7 པར་གྱུར་ཅིག་། མར་མེ་འདིས་འཛམ་བུའི་གླིང་གི་ཕྱི་རོལ་མུན་ནག་གི་ནང་ན་འཐོམས་པའི་སེམས་ཅན་རང་གི་ལག་པ་གཡས་པ་བརྐྱང་བ་ཡང་མི་མཐོང་བའི་གནས་སུ་གསལ་བར་གྱུར་ཅིག་།
328b8 དེ་དག་སྔོན་གྱི་ལས་ངན་པའི་རྣམ་པར་སྨིན་པས་ཟས་དང་སྐོམ་འདོད་པ་ལས་ནམ་མཁའ་ལ་རང་གི་ལྕགས་ཀྱི་སེན་མོ་ཡོད་པས་བརྙབས་པས་ཟས་དང་སྐོམ་མ་རྙེད་ནས། རང་གི་ལུས་ཟིན་པ་དང་ཤ་བཅད་དེ་ཟ་བ་དེ
iiif viewer powered by OpenSeadragon
