| e-texts navigator |
| Wylie |
85b1 ཨ་ལ་ལ་ཡི་གད་རྒྱངས་ཆེ། །སྤྱུགས་པའི་འཐོར་རླུང་གཡེང་བ་ཆེ། ཧོ། ཧཱུཾ། ཁྲོ་བོའི་ཤེས་རབ་འོད་པོ་ཆེ། །ཡེ་ཤེས་དཀྱིལ་འཁོར་ཀུན་ཏུ་གསལ། །འབར་བའི་ཡེ་ཤེས་ཀུན་ཏུ་འཇོམས། །
85b2 སྣ་ཚོགས་ཡེ་ཤེས་ཐིག་ལེ་ཆེ། །ཧོ། ཧཱུཾ། ཁྲོ་བོའི་རྒྱལ་པོ་སྤྲིན་ཆེན་པོ། །ཁྲོས་པའི་དཀྱིལ་འཁོར་ཆར་ཆེན་འབེབས། །དཀྱིལ་འཁོར་ཡིད་བཞིན་འབྱུང་བའི་གཏེར། །སྣ་ཚོགས་ཁྲོས་པའི
85b3 ཐིག་ལེ་ཆེ། ཧོ། ཧཱུཾ། བདུད་རྣམས་ཀུན་གྱི་བདུད་ཆེན་པོ། །བདུད་ཀྱི་བདུད་དེ་བདུད་རྣམས་འཇོམས། །འཇིགས་པའི་ཚོགས་ཀྱང་འཇིགས་བྱེད་པ། །འཇིགས་བྱེད་ཆེན་པོ་གདལ་པ་ཆེ། །
85b4 ཧཱུཾ། རྡོ་རྗེ་བྲག་ཆེན་སྲ་པ་པོ། །རྡོ་རྗེ་ཆུ་བོ་སྡུད་ཆེན་པོ། །རྡོ་རྗེ་མེ་སྟེ་ཀུན་འབར་ཆེ། །རྡོ་རྗེ་རླུང་སྟེ་འཐོར་རླུང་ཆེ། ཧོ། ཧཱུཾ། སྟོང་གསུམ་ཁྲོ་བོའི་དཀྱིལ་འཁོར་ཚོགས། །འཇིགས་བྱེད་མཚོན་དུ
85b5 མེད་པའི་སྐུ། །སྣ་ཚོགས་གསུང་དང་སྣ་ཚོགས་ཐུགས། །འཇིགས་བྱེད་རྔམ་པའི་ཡེ་ཤེས་གཏེར། །ཧོ་ཞེས་བླངས་པས་སྟོང་གསུམ་གྱི་དེ་བཞིན་གཤེགས་པའི་འཇིགས་བྱེད་ཆེན
85b6 པོ་རྣམས་དབྱེར་མེད་པས་མཉེས་པར་གྱུར་ཏོ། །སྒྱུ་འཕྲུལ་དྲ་བ་བླ་མ་ཆེན་པོ་ལས། ལྷུན་གྱིས་གྲུབ་པའི་འཕྲིན་ལས་དང་ཡོངས་སུ་མཉེས་པའི་ལེའུ་སྟེ་བཅུ་གཉིས་པའོ།། །།རྡོ
85b7 རྗེ་སེམས་དཔས་གསུངས་པའི་དོན། །གསང་བ་ཀུན་གྱི་བླ་མ་སྟེ། །སྒྱུ་འཕྲུལ་དྲ་བའི་རྒྱལ་པོ་ཡིན། །ངེས་དོན་ཆོས་ཀྱི་སྙིང་པོ་ལས། །འདུལ་བ་མདོ་སྡེ་ཆོས་མངོན་དང་། །དམ་ཚིག
iiif viewer powered by OpenSeadragon
