| e-texts navigator |
| Wylie |
491a1 སྲ་བའི་བྱ་བ་བྱེད་པ་ཐམས་ཅད་ནི། རྡོ་རྗེའི་རིགས་སོ། །དྲོ་བའི་བྱ་བ་བྱེད་པ་ཐམས་ཅད་ནི། རིན་པོ་ཆེའི་རིགས་སོ། །གཤེར་བའི་བྱ་བ་བྱེད་པ་ཐམས་ཅད་ནི།
491a2 པདྨའི་རིགས་སོ། །བསྐྱོད་པའི་བྱ་བ་བྱེད་པ་ཐམས་ཅད་ནི། ལས་ཀྱི་རིགས་སོ། །དེ་རྣམས་ཆ་མཉམ་པ་ལས་སྤྱིར་གྲུབ་པ་ནི། དངོས་སུ་བཞུགས་པ་དེ་བཞིན་གཤེགས་པའི་རིགས
491a3 སོ|་|ཐམས་ཅད་བདག་ཉིད་མའི་འཁོར་ལྔའི་བྱིན་རླབས་ནི། དབུས་སུ་གྱུར་པ་ཐམས་ཅད་དོ། །སྲ་བའི་རང་བཞིན་མེད་པ་ནི། ཡངས་པའི་སྤྱན་འཁོར་ལྔའི་བྱིན་རླབས་སོ། །
491a4 དྲོ་བའི་རང་བཞིན་མེད་པ་ནི། མཱ་མ་ཀཱི་འཁོར་ལྔའི་བྱིན་རླབས་སོ། །གཤེར་བའི་རང་བཞིན་མེད་པ་ནི། གོས་དཀར་མོ་འཁོར་ལྔའི་བྱིན་རླབས་སོ། །བསྐྱོད་པའི་རང་བཞིན་མེད་པ
491a5 ནི|་སྒྲོལ་མའི་འཁོར་ལྔའི་བྱིན་རླབས་སོ། །དོན་དུ་བྱ་བ་བྱེད་ནུས་པ་སེམས་དཔའོ། །དེ་བཞིན་དུ་རང་བཞིན་མེད་པ་ནི། སེམས་མའོ། །དེ་ལྟར་རིག་པ་ནི། ཁྲོ་བོ་དང་། ཁྲོ་མོའོ།།
491a6 དེ་ལ་བསྡུ་ཞིང་སྤྲོ་བ་ཡང་ཐམས་ཅད་དེ་ལྟར་བྱའོ། །ཕྱི་ནང་གི་ཆོས་ཐམས་ཅད་ལ་ཡང་དེ་ལྟར་བལྟའོ། །དེ་སྐད་ཅེས་དཔལ་རྣམ་པར་སྣང་མཛད་ཀྱིས་བཀའ་སྩལ་པ་ལ་རྡོ་རྗེ་གཞོན་ནུ་སྡེ
491a7 འབུམ་ཕྲག་དུ་མ་ཡི་རང་སྟེ་འདི་སྐད་ཅེས་བསྟོད་དོ། །ཧཱུཾ། བསྐལ་པའི་མེ་ལྟར་འབར་བ་ཡི། །འོད་ཟེར་འདུ་འཕྲོ་ཀློང་དཀྱིལ་ན། །ཁྲོ་བོ་ཁྲོ་མོ་རྣམས་བཞུགས་པ། །སྐུར
iiif viewer powered by OpenSeadragon
