| e-texts navigator |
| Wylie |
487a1 འཁོར་བཅས་སྤྱན་དྲངས་ཏེ། །མཆོད་པ་ཀླུ་ལ་སོགས་པས་མཆོད། །དེ་ནས་ལས་རྣམས་བརྩམ་པར་བྱ། །ང་རྒྱལ་རྡོ་རྗེ་འཁོར་བཅས་པས། །འཇིག་རྟེན
487a2 ཁམས་ནི་རབ་འབྱམས་ཀུན། །དཔལ་དང་གཟི་བརྗིད་ཆེན་པོ་རྣམས། །ཡུད་ཙམ་གྱིས་ནི་རྒྱས་པར་མཛོད། །ཁྲོ་བོ་ཁྲོ་མོ་འཁོར་བཅས་དང་། །རྡོ་རྗེ་ཕྲ་མེན་འཁོར་བཅས་པས། །
487a3 དཔལ་དང་གཟི་བརྗིད་འཕེལ་བསྒོམས་ན། །བདག་ཉིད་ཆེན་པོར་དེ་འགྱུར་རོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རྒྱས་པའི་ལས་ཀྱི་ལེའུ་སྟེ་ཉི་ཤུ་དགུ་པའོ།། །།
487a4 ཧོམ་ཁུང་གྲུ་བཞི་གདེངས་པ་ལ། །རྡོ་རྗེ་འཁོར་ལོས་བརྒྱན་པར་བྱ། །དེ་ནས་ལྷ་རྣམས་སྤྱན་དྲངས་ཏེ། །བསྲེགས་པས་མཆོད་ཅིང་དཔལ་འཕེལ་བསྒོམ། །འཕགས་པ་ཐབས
487a5 ཀྱི་ཞགས་པ་པདྨོ་ཕྲེང་ལས། རྒྱས་པའི་ཧོམ་གྱི་ལེའུ་སྟེ་སུམ་ཅུ་པའོ།། །།གསེར་རམ་སེར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་བཞི། །ལྷ་རྣམས
487a6 བསྒོམས་ཏེ་གདབ་པར་བྱ། །འདི་ནི་རྒྱས་པའི་ལས་ལ་ཤིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རྒྱས་པའི་ཕུར་པའི་ལེའུ་སྟེ་སུམ་ཅུ་གཅིག་པའོ།། །
487a7 གསེར་ཕྱེ་འབྲས་ཆན་སེར་པོ་རྣམས། །འོ་མ་སྦྲང་རྩི་གཏོར་མ་ནི། །རྒྱས་པར་འགྱུར་བའི་གཏོར་མ་སྟེ། །མཁས་པས་རྒྱས་པར་བསྒོམ་ཞིང་སྦྱིན། །འཕགས་པ་ཐབས
iiif viewer powered by OpenSeadragon
