| e-texts navigator |
| Wylie |
486a1 མོའི་དཀྱིལ་འཁོར་གཏུན་ཁུང་དུ། །ཁྲོ་བོའི་ཐོ་བས་བརྡུངས་པ་ཡི། །རྡོ་རྗེ་གཏུན་ཕྲུགས་བསྒོམས་བྱས་ན། །ལྷ་ཡང་རུང་སྟེ་བརྡུངས་པར་འགྱུར།
486a2 འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོའི་སྦྱོར་བའི་ལེའུ་སྟེ་ཉི་ཤུ་གཉིས་པའོ།། །།དྲག་པོའི་ལས་ཀྱིས་བསྒྲུབས་པ་རྣམས། །འཁོར་བའི་ལམ་ལྔ
486a3 སྒོ་བཅད་ནས། །རྣམ་ཤེས་ཧཱུཾ་གིས་བསྡུས་བཏུམས་ཏེ། །འོག་མིན་བླ་མེད་གནས་མཆོག་ན། །གཙོ་བོ་ལྔ་དང་གཙོ་མོ་ལྔ། །སེམས་དཔའ་དང་ནི་སེམས་མ་དང་། །ཁྲོ་བོ་དང་ནི
486a4 ཁྲོ་མོ་རྣམས། །སྦྱོར་བའི་ལྷུམས་སུ་ཕཊ་ཀྱིས་འཕང་། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། གནས་བསྟབས་པའི་ལེའུ་སྟེ་ཉི་ཤུ་གསུམ་པའོ།། །།ཟླ་གམ
486a5 དཀྱིལ་འཁོར་རྩིབས་བརྒྱད་པ། །ཁྲོ་བོ་ཁྲོ་མོ་སྤྱན་དྲངས་ཏེ། །མཆོད་པ་གླུ་ལ་སོགས་པས་མཆོད། །དེ་ནས་ལས་རྣམས་བརྩམ་པར་བྱ། །ཆགས་པའི་རྡོ་རྗེ་འཁོར་བཅས
486a6 པ|་|འཇིག་རྟེན་ཁམས་ནི་རབ་འབྱམས་ཀུན། །ཆགས་པས་ཡུད་ལ་དབང་མཛད་དེ། །དབང་དུ་མ་གྱུར་གང་ཡང་མེད། །རྡོ་རྗེ་ཕྲ་མེན་མངགས་ནས་སུ། །བཀུག་ནས་ཁྲོ་བོ
486a7 ཆེན་པོ་ཡིས། །ཆགས་པའི་ཚུལ་གྱིས་དེ་ལུས་ལས། །དཔའ་དང་གཟི་བརྗིད་བསྡུས་ནས་འགྲུབ། །ཕྲ་མེན་རྣམས་ནི་མངགས་ནས་སུ། །དེ་ཡི་མིག་རྣ་སྣ་དང་ལྕེ། །ལུས་དང
iiif viewer powered by OpenSeadragon
