| e-texts navigator |
| Wylie |
485b1 འཁྲུག་པར་བསྒོམས་བྱས་ན་། སྒྲུབ་པ་ཉམས་ཤིང་འབྱེ་བར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོའི་ལས་ཀྱི་ལེའུ་སྟེ་བཅོ་བརྒྱད་པའོ།། །།
485b2 ཧོམ་ཁུང་ཟུར་གསུམ་གདེངས་པ་ལ། །རྡོ་རྗེ་མདའ་གཞུ་ལྡན་བྱས་ཏེ། །ཐོད་པ་དག་གིས་རྣམ་པར་བརྒྱན། །སྤྱན་དྲངས་བསྲེགས་ན་ལྷ་ཡང་འཆི། །ཕྲ་མེན་མངགས་ཏེ་བཀུག་ནས་ནི། །
485b3 ཐབ་ཀུན་བསྲེགས་ན་མོད་ལ་འཆི། །གསུམ་དང་བསྲེས་པའི་ཤ་རྣམས་ཀྱིས། །ལྷ་རྣམས་ཐམས་ཅད་མཆོད་པར་བྱ། །རྡོ་རྗེ་གླུ་ནི་བླངས་ནས་སུ། །འབྱུང་པོའི་ཤ་ནི་ཤིན་ཏུ་ཞིམ། །འབྱུང
485b4 པོའི་ཁྲག་ནི་ཤིན་ཏུ་ཞིམ། །འབྱུང་པོའི་རུས་པ་ཞིམ་པ་སྟེ། །གསོལ་ཏེ་ཐམས་ཅད་དགྱེས་པར་མཛོད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོ་ཧོམ་གྱི་ལེའུ་སྟེ་བཅུ
485b5 དགུ་པའོ། ། །།ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ཁྲོ་བོ་ཁྲོ་མོ་རྣམས་བསྒོམས་ཏེ། །བཏབ་ན་ལྷ་ཡང་བརླག་པར་འགྱུར། །འཕགས
485b6 བ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོ་ཕུར་པའི་ལེའུ་སྟེ་ཉི་ཤུ་པའོ།། །།ལྕགས་ཕྱེ་དུག་དང་རྡོ་ཕྱེ་དང་། །ཁྲག་ལས་སྤྲུས་ཏེ་བསྲེས་པ་དང་། །མུད་གའི་ཚན
485b7 དང་སྦྱོར་བ་དག་། སྦྱོར་བས་གཏོར་ན་དེ་བརླག་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོའི་གཏོར་མའི་ལེའུ་སྟེ་ཉི་ཤུ་གཅིག་པའོ།། །།ཁྲོ
iiif viewer powered by OpenSeadragon
