| e-texts navigator |
| Wylie |
484b1 ཆུང་སེན་མོའི་མཐིལ་དུ་གནོན། །གདེངས་པའི་ཐབས་སུ་བསྒྲེང་བ་ནི། །དབྱུག་སྔོན་ཅན་གྱི་ཕྱག་རྒྱ་ཡིན། །ལག་པ་གཡས་པའི་ཁུ་ཚུར་གྱིས། །རྡེག་པའི་ཐབས་སུ་གདེངས་པ་དང་། །
484b2 གཡོན་པ་དཀུ་ལ་བརྟེན་པ་ནི། །གཤིན་རྗེ་འཇོམས་པའི་ཕྱག་རྒྱ་ཡིན། །ལག་པ་གཡས་པའི་ཐལ་མོ་ཡིན། །གདབ་པའི་ཐབས་སུ་གདེངས་པ་དང་། །གཡོན་གྱིས་འཛིན་པ་ལྟར་བྱས་པ། །
484b3 མི་གཡོ་མགོན་གྱི་ཕྱག་རྒྱ་ཡིན། །ལག་པ་ཐལ་མོ་སྦྱར་ནས་ནི། །གུང་མོ་རྒྱབ་ཏུ་བསྣོལ་བར་བྱ། །མཐེ་བོ་གཉིས་ཀྱང་ཕྲལ་ཏེ་བསྒྲེང་། །སྤྱི་བོར་བཞག་པ་གྲེ་བའི་རྒྱ། །རྐང་པ་གཡས
484b4 པ་ཐུར་དུ་གཟུགས། །ལག་པ་གཡས་པ་གྱེན་དུ་བསྒྲེང་། །གཡོན་པའི་རྐང་པ་ལག་འཕྱར་བའི། །གཞན་གྱིས་མི་ཐུབ་ཕྱག་རྒྱ་ཡིན། །ལག་པ་གཡས་གཡོན་དཀུར་བརྟེན་ཏེ། །
484b5 རྐང་པ་གཤིབས་ཏེ་མཆོད་བ་ནི། །བདུད་རྩི་འཁྱིལ་བའི་ཕྱག་རྒྱ་ཞེས། །དཔའ་བོ་ཆེན་པོས་ཡང་དུ་བཤད། །ལག་པ་གཡས་གཡོན་བསྣོལ་བ་དང་། །རྐང་པ་བརྐྱང་བསྐུམ་བྱས་པ་ནི། །ཁམས
484b6 གསུམ་རྒྱལ་བའི་ཕྱག་རྒྱ་ཞེས། །མགོན་པོ་དཔའ་བོས་ཡང་དུ་བཤད། །ལག་པ་གཡས་གཡོན་སྤྲུགས་པ་དང་། །ལུས་ཀྱང་དྲག་ཏུ་གསིགས་པ་ནི། །རྡོ་རྗེ་ཕྲ་མེན་མ་རྣམས་ཀྱི། །ཕྱག
484b7 རྒྱ་ཡིན་པར་འདྲེན་པས་བཤད། །ཕྱག་རྒྱ་འདི་དག་བཅིངས་ནས་ནི། །སྟབས་ཆེན་དྲག་ཏུ་མཆོངས་བྱས་ན། །ཁམས་གསུམ་དག་ལས་མཆོངས་པར་འགྱུར། །གཞན་ཡང་གོ་འཕང་ཐམས
iiif viewer powered by OpenSeadragon
