| e-texts navigator |
| Wylie |
482a1 གྱིས་བསྐོར། དེའི་ཕྱི་རིམ་བྱ་རོག་གི་འཁོར་གྱིས་བསྐོར། དེའི་ཕྱི་རིམ་བྱ་ཀངྐ་མཆུ་རིང་གི་འཁོར་གྱིས་བསྐོར། དེའི་ཕྱི་རིམ་བྱ་རྒོད་ཀྱི་འཁོར་གྱིས་བསྐོར
482a2 དེ་དག་ཐམས་ཅད་ཀྱང་ཞིང་མང་པོ་གསར་རྙིང་སྤུངས་པའི་སྟེང་ན་ཞིང་ལ་རྟོད་པའི་ཕྱིར་འཐབ་པའི་ཚུལ་སྟོན་པ་ཤ་སྟག་གོ་། དེ་དག་གི་སྙིང་པོ་འདི་རྣམས་སོ། །ཧཱུཾ་ཧ་ཧེ་ཕཊ་ཧཱུཾ།
482a3 འདི་ཀུན་འབྲུ་རེ་རེ་ཡང་ལན་བཞི་བཞི་བརྗོད་དོ། །ཧཱུཾ་གིས་གཙོ་བོ་བསྐྱེད། ཧས་ནང་གི་ལྷ་མོ་བསྐྱེད། ཧེས་ཕྱིའི་ལྷ་མོ་བསྐྱེད། ཕཊ་ཀྱིས་ཐམས་ཅད་ཁྲོས་པར་བསྐུལ། ཧཱུཾ་གིས
482a4 ཐམས་ཅད་ཀྱི་ཡེ་ཤེས་ཀྱི་འོད་ཟེར་འབར་བས་ཕྱོགས་བཅུར་ཁྱབ་པར་བགྱིའོ། །ལྷ་མོ་བློ་ལྡན་ཚོགས་ཀྱི་བདག་།ཧེ་རུ་དཔལ་ལ་ཕྱག་འཚལ་ལོ། །སློབ་དཔོན་ལ་ནི་བརྙས
482a5 བྱེད་དང་། །རྣལ་འབྱོར་བར་དུ་གཅོད་པ་དང་། །དམ་ཚིག་གཉན་པོ་དྲལ་པ་དང་། །རྡོ་རྗེ་སྤུན་ལ་འཁུ་བྱེད་རྣམས། །ཁྱེད་ཀྱིས་རྡུལ་དུ་བརླགས་ནས་ནི། །གནོད་སེམས
482a6 མ་ལུས་གཏན་ནས་ཕྱུང་། །དཔལ་ཆེན་པོ་སྟན་དང་ག་ནའི་གནས་སུ་ཚོགས་ཆེན་པོ་ལ་གཤེགས་པའི་ཚེ་སྐུ་གསུང་ཐུགས་ཀྱི་ཁྲོ་བོའི་གཟི་བྱིན་གྱིས་གདུག་པ་ཐམས་ཅད་གཏན
482a7 ནས་འབྱིན་ཅིང་ལོངས་སྤྱོད་ཆེན་པོ་འགྱིང་ཞིང་འགྱིང་བའི་གླུ་བླངས་ཏེ་ཐམས་ཅད་དགྱེས་པར་མཛད་པའི་དབྱངས་འདིས་དགྱེས་པར་མཛད་དོ། །རྡོ་རྗེ་པདྨོའི་ཕྱག་རྒྱ་དཔྲལ་བར
iiif viewer powered by OpenSeadragon
