| e-texts navigator |
| Wylie |
477b1 པ་བསྒྲེངས་ནས་ཀྱང་། །སོར་མོ་ཨུཏྤལ་ལྟར་བྱས་པ། །གཡས་ཀྱི་སོར་མོ་གཟུང་བར་བྱ། །རྡོ་རྗེ་སྒྲོལ་མའི་ཕྱག་རྒྱ་ཡིན། །རྐང་པ་གཉིས་ཀྱི་པུས་མོ་དང་། །ལག་པ་གཉིས་ཀྱི་གྲུ་མོ་རྣམས།།
477b2 སྤྲད་ནས་ལག་པ་གདེངས་པ་ནི། །ཀུན་ཏུ་བཟང་མོའི་ཕྱག་རྒྱ་ཡིན། །རྡོ་རྗེ་ཁུ་ཚུར་དཀུར་བརྟེན་ནས། །ལྡན་པ་གཡས་སུ་བྱོ་བ་ལས། །ཆགས་པའི་མིག་གིས་ལྟ་བ་ནི། །རྡོ་རྗེ་སྒེག་མོའི
477b3 ཕྱག་རྒྱ་ཡིན། །གཡོན་བ་རྐོང་རྐོང་པོ་བྱས་ཏེ། །གཡས་པས་གྲུ་མོ་བཟུང་ནས་ཀྱང་། །བསྐོར་ཞིང་སོར་མོ་འཕྲོ་བ་ནི། །རྡོ་རྗེ་བདུག་པའི་ཕྱག་རྒྱ་ཡིན། །ལག་པ་གཉིས་ནི་རྒྱབ་སྦྱར་ནས། །
477b4 རྡོ་རྗེ་ཁུ་ཚུར་བཅངས་པ་ལས། །མཐེ་ཆུང་སྦྲེལ་ནས་མཛུབ་མོ་བསྒྲེང་། །རྡོ་རྗེ་ལྕགས་ཀྱུ་མ་ཡི་རྒྱ། །མཐེ་ཆུང་ལུ་གུ་རྒྱུད་དུ་སྦྲེལ། །སོར་མོ་རྣམས་ནི་སོ་སོར་བསྒྲེང་། །ཐལ་མོ་བཀན་ཏེ
477b5 ལྟ་བ་ནི|་|རྡོ་རྗེ་སྒྲོལ་མའི་ཕྱག་རྒྱ་ཡིན། །སྲིན་ལག་དང་ནི་མཐེ་བོ་གཉིས། །སོ་སོར་རྩེ་མོ་སྤྲད་པ་ལས། །དཔྲལ་བའི་ཐད་ཀར་དྲངས་པ་ནི། །རྡོ་རྗེ་ཕྲེང་བའི་ཕྱག་རྒྱ་ཡིན། །འཕགས་པ
477b6 ཐབས་ཀྱི་ཞགས་པ་པདྨོ་ཕྲེང་ལས། ཕྱག་རྒྱའི་ལེའུ་སྟེ་བཅུ་པའོ།། །།དེ་ནས་དཀྱིལ་འཁོར་གྱི་ལྷ་དང་ལྷ་མོ་རྣམས་ལ་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས
477b7 དཔའ་བརྒྱད་དང་འཁོར་ཕལ་པོ་ཆེས་དབྱངས་མཐུན་པར་བསྟོད་པ། ཨོཾ། ཕྱོགས་བཅུའི་འཇིག་རྟེན་རབ་འབྱམས་ན། །རྒྱལ་བ་གང་བཞུགས་འཁོར་དང་བཅས། །བླ་མེད་ལྷ་དང་ལྷ་མོ་ཡི།།
iiif viewer powered by OpenSeadragon
