| e-texts navigator |
| Wylie |
477a1 གཉིས་ཀྱི་རྩེ་སྤྲད་དེ། །བསྐོར་བ་ལྟ་བུར་བྱས་པ་ནི། །རྡོ་རྗེ་འཁོར་ལོའི་རྒྱ་ཆེན་ཡིན། །སོར་མོ་ནང་དུ་བསྣོལ་བ་ལས། །གུང་མོ་རྩེ་སྤྲད་མཛུབ་སྦྱར་ཏེ། །མཐེ་བོས
477a2 གུང་མོ་མནན་པ་ནི། །རྡོ་རྗེ་སྨྲ་བའི་རྒྱ་ཆེན་ཡིན། །ལག་པའི་འཁྲིག་མ་བསྣོལ་པ་ལས། །གུང་མོ་གཉིས་ཀྱི་ཚིགས་དང་པོར། །ངོས་བཞིར་ས་ཡི་སོར་མོ་བརྟེན། །རྡོ་རྗེ་ལས་ཀྱི
477a3 ཕྱག་རྒྱ་ཡིན། །ལག་པ་གཉིས་ཀྱི་སོར་མོ་རྣམས། །ཕན་ཚུན་ཐགས་སུ་བཏགས་པ་ལས། །མཐེ་བོ་གཉིས་ནི་བསྒྲེང་བར་བྱ། །རྡོ་རྗེ་གསུང་བའི་ཕྱག་རྒྱ་ཡིན། །རྡོ་རྗེ་ཁུ་ཚུར
477a4 བཅངས་པ་ལས། །མཛུབ་མོ་གཉིས་ནི་བསྒྲེངས་ནས་ཀྱང་། །ཁ་འགྲམ་གཉིས་སུ་གཟུང་བར་བྱ། །རྡོ་རྗེ་གནོད་སྦྱིན་རྒྱ་ཆེན་ཡིན། །རྡོ་རྗེ་ཁུ་ཚུར་བཅངས་པ་ལས། །བསྣོལ་ཏེ་ཁ་ནི
477a5 སྦྱར་ནས་ཀྱང་། །ཐུགས་ཀར་དམ་དུ་གཟུང་བར་བྱ། །རྡོ་རྗེ་ཁུ་ཚུར་རྒྱ་ཆེན་ཡིན། །རིགས་ཀྱི་ཕྱག་རྒྱ་བསྒོམས་ནས་ནི། །ལག་གི་འདུ་ཤེས་འདི་དག་གིས། །འདུ་འཕྲོ་མོས
477a6 པ་བསྐྱེད་ནས་ནི། །བཅིང་ཞིང་མཁའ་ལ་དགྲོལ་བར་བྱ། །མཐེ་བོ་མཐེ་ཆུང་ནང་དུ་སྤྲད། །གུང་མོ་རྩེ་སྦྱར་བཞི་ཡང་བསྒྲེང་། །རྡོ་རྗེ་འཛིན་ལྟར་རྟིང་སྤྲད་པ། །རྡོ་རྗེ་འཛིན་པའི
477a7 ཕྱག་རྒྱ་ཡིན། །རྟིང་སྦྱར་མཐེབ་མཛུབ་རྩེ་སྦྱར་ཏེ། །མཛུབ་མོའི་མིག་ཏུ་མཐེ་ཆུང་དྲང་། །ལྷག་མ་རྩེ་གསུམ་ལྟར་བྱས་པ། །རྡོ་རྗེ་སྤྱན་གྱི་ཕྱག་རྒྱ་ཡིན། །ལག་ངར་གཡོན
iiif viewer powered by OpenSeadragon
