| e-texts navigator |
| Wylie |
474b1 པ་ཐབས་ཀྱི་ཞགས་པ་པདྨོ་ཕྲེང་ལས། གཟུགས་བརྙན་གྱི་དཀྱིལ་འཁོར་གྱི་ལེའུ་སྟེ་དྲུག་པའོ།། །།སེམས་དཔའ་ཆེན་པོ་ཞེས་རྡོ་རྗེ་སེམས་དཔའ་བོས་ནས་བཤད་དོ། །རྒྱལ
474b2 བའི་རྒྱལ་བ་རྣམས་ཀྱི་སྐུ། །སྣ་ཚོགས་ཅིར་ཡང་སྣང་མོད་ཀྱི། །ཀུན་ཏུ་རིན་ཆེན་ལྟ་བུ་སྟེ། །དོན་དང་ལས་ཡིན་བསྒོམས་པས་འགྲུབ། །དབུ་མིག་རྣ་བ་སྣ་ལྕེ་ལ། །ོཾ་ཞེས་བྱ་བ་ལྔ་བཞག་སྟེ།།
474b3 གཙོ་བོ་ལྔ་དང་གཙོ་མོ་ལྔ། །སྦྱོར་བའི་ཚུལ་དུ་བསྒོམ་པར་བྱ། །ལག་པ་གཡས་པའི་སོར་མོ་ལ། །ཧཱུཾ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ
474b4 བསྒོམ་པར་བྱ། །ལག་པ་གཡོན་པའི་སོར་མོ་ལ། །ཏྲཱཾ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །རྐང་པ་གཡོན་པའི་སོར་མོ་ལ།།
474b5 ཧྲཱིཿཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །རྐང་པ་གཡས་པའི་སོར་མོ་ལ། །ཱཿཞེས་བྱ་བ་ལྔ་བཞག་སྟེ། །སེམས་དཔའ་ལྔ
474b6 དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ལྷའི་མཚན་ཉིད་དང་དཀྱིལ་འཁོར་དགོད་པའི་རིམ་པ་བསྟན་པའི་ལེའུ་སྟེ་བདུན
474b7 པའོ||་||སེམས་དཔའ་ཆེན་པོ་ཉོན་ཅིག་ཅེས་རྡོ་རྗེ་སེམས་དཔའ་བོས་ནས་བཤད་དོ། །རྣལ་འབྱོར་རིག་འཛིན་མར་ལྡན་པས། །ལྔ་ཞིང་ལྔ་དང་འབྱོར་པ་ཡི། །ཚོམ་བུ་ལྔ
iiif viewer powered by OpenSeadragon
