| e-texts navigator |
| Wylie |
474a1 སེམས་དཔའ་ཆེན་པོ། །མཆོད་པའི་མཆོག་ནི། འདི་ལྟར་རིག་པར་བྱའོ། །བདག་མཆོད་ཀུན་མཉེས་ཐམས་ཅད་འདྲོངས། །ཀུན་ལ་ཕན་པའི་སྨན་ཡིན་ཏེ། །
474a2 རྣལ་འབྱོར་བདག་ཉིད་ཆེན་པོ་ཡིས། །ཐམས་ཅད་བཟའ་ཞིང་བརྒྱན་པར་བྱ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། མཆོད་པའི་ལེའུ་སྟེ་བཞི་པའོ།། །།ཀུན་ཏུ་འོད
474a3 ཀྱིས་ལས་འདས། །པདྨའི་སྤྱན་དུ་གྱུར་པ་ན། །རིག་པའི་བྱིན་རླབས་ཆེན་པོ་ལས། །རང་འབྱུང་དཀྱིལ་འདུ་འཕྲོ་ཡི་ཚུལ། །ཡི་གེ་འཁོར་ལོ་ཚོགས་ཆེན་ཏེ། །མཚན་དང་དཔེ་བྱད་ཀུན་ལས
474a4 གྲོལ|་|རྔམ་ཞིང་གཏུམ་པའི་གཟུགས་ཅན་དང་། །མགྱོགས་མ་མགྱོགས་མའི་ཕོ་ཉར་ལྡན། །དེ་ནི་ཐིག་ལེ་རྡོ་རྗེ་ཡིན། །འདི་ཞེས་གང་ཟག་བདག་མེད་པར། །རྟོགས་པར་བྱ་ཕྱིར
474a5 ངས་བཤད་དེ། །མཁས་པས་དེ་ལ་འབྱོར་པར་གྱིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཏིང་ངེ་འཛིན་གྱི་དཀྱིལ་འཁོར་གྱི་ལེའུ་སྟེ་ལྔ་པའོ།། །། སེམས་དཔའ་ཆེན
474a6 པོ། །སྤྱོད་ཡུལ་ཐམས་ཅད་ནི། འདི་ལྟར་རིག་པར་བྱའོ། །ཆེན་པོ་ལྔ་ཡང་དེ་བཞིན་གཤེགས། །གཅིག་ལའང་ལྔ་ལྔར་རིག་པར་གྱིས། །ཁམས་གསུམ་བདག་ཉིད་ཡིན་པ་སྟེ། །སྐུ
474a7 གསུང་ཐུགས་ཀྱང་དེ་ལ་བྱ། །ཡེ་ཤེས་ལྔ་དང་འགྲོ་བ་ལྔ། །མཉམ་པས་སོ་སོ་དབྱེར་མེད་དེ། །སྔགས་དང་ཕྱག་རྒྱ་དབང་བསྐུར་ནས། །སྤྱོད་ཡུལ་ཀུན་ཏུ་མཎྜ་ལ། །འཕགས་པ
iiif viewer powered by OpenSeadragon
