| e-texts navigator |
| Wylie |
472b1 ལོ་བསྐོར་བ་དེ་དག་གི་འབྲས་བུ་མཆོག་། གསང་བ་ཆེན་པོ་འདི་ཡོད་པར། །མེ་མར་མུར་གྱི་དོང་འབོགས་ཤིང་། །སྤུ་གྲི་སོ་ནི་གཏམས་ལས་ཀྱང་། །འཛེགས་ནས་བུ་དག་འགྲོ་བར་བྱོས། །ཁོང
472b2 ན་གནས་པའི་ཡང་ཁོང་ན། །ལྕགས་ཀྱི་སྒྲོམ་བུ་ཁ་བསྡམ་མོ། །ཐམས་ཅད་ལ་ཡང་མེ་ལོང་བཞིན། །བལྟས་ཀྱང་གཟུགས་བརྙན་མི་སྣང་ངོ་། །ཡེ་ཤེས་འཕྲུལ་གྱི་ལྡེ་མིག་གིས། །རྡོ་རྗེ་ཐ
472b3 རམ་སྒྲོམ་ཕྱེ་ནས། །ཡིད་བཞིན་རིན་ཆེན་གཏེར་ཕྱུང་བ། །སྐལ་ལྡན་མཆོག་གིས་སྤྱད་དུ་གསོལ། །ཡི་གེ་ཀུན་ལ་མི་སྣང་ཞིང་། །བླ་མའི་ཐུགས་ལ་གནས་པ་ནི། །སྐལ་ལྡན་མཆོག
472b4 གི་སྤྱོད་ཡུལ་ཏེ། །ཀུན་དང་ཐུན་མོང་དེ་མ་ཡིན། །དཔེར་ན་སེངྒེའི་འོ་མ་ནི། །གསེར་གྱི་ཕྱིས་བུས་འཛིན་འགྱུར་གྱི། །སྣོད་གཞན་དག་ཏུ་བླུགས་པ་ནི། །སྣོད་ཀྱང་འཆག་ལ་འོ་མ་ཡང
472b5 འབོ|་|ཡོང་གིས་གསེར་གྱི་རང་བཞིན་ལ། །དབྱིབས་ཀྱི་ཁྱད་པར་ཅིར་ཡང་སྣང་། །གསེར་ལས་གྱུར་པ་རྡུལ་ཙམ་མེད། །དེ་བཞིན་ཆོས་ཀྱི་མཚན་ཉིད་ཀྱང་། །མཚན་མ་སྣ་ཚོགས་ཅིར
472b6 སྣང་ཡང་། །ཉིད་ལས་གྱུར་པ་རྡུལ་ཙམ་མེད། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས། །ཆོས་ཉིད་ཀུན་ཏུ་མི་འགྱུར་བར་བསྟན་པའི་ལེའུ་སྟེ་བརྒྱད་ཅུ་པ་རྫོགས་སོ།། །།
472b7 འཕགས་པ་ཐབས་ཀྱི་ཞགས་པ་པདྨོའི་ཕྲེང་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་གི་དོན་བསྡུས་པ། དེ་ནས་བཅོམ་ལྡན
iiif viewer powered by OpenSeadragon
