| e-texts navigator |
| Wylie |
458b1 བའི་དམ་ཚིག་ནི། སེམས་ཅན་ཁམས་གསུམ་འཁོར་བ་ཡི། །ཐོག་མ་མེད་ནས་འཁོར་བ་ཡི། །ཕྱིན་ཅི་ལོག་ལ་འཇོག་ཉོག་སྤྱོད། །གཟུང་འཛིན་དོན་ལ་ཤིན་ཏུ་ཆགས། །དེས་ན་འཁོར
458b2 བར་རྟག་ཏུ་འཕྱན། །དེ་བས་རང་སེམས་རྟོགས་བྱས་ཏེ། །ལེ་ལོ་མེད་པར་ཡོངས་སྤངས་ཏེ། །ང་མེད་བདག་མེད་མཉམ་པར་བསྲུང་། །ཐམས་ཅད་འཇིགས་པར་བྱེད་པ་ཞེས་བྱ་བའི
458b3 དམ་ཚིག་ནི། རྡོ་རྗེ་སེམས་དཔས་བཀས་བཅད་པ། །སྡོམ་པའི་རྩ་བ་ཐམས་ཅད་ཀུན། །དོན་བཞིན་དུ་ནི་མ་བསྲུངས་ན། །ཡཀྵ་ཁྲོ་བོ་མ་དཔལ་གྱིས། །སྙིང་ནས་དྲངས་ཏེ་ཁྲག
458b4 འཐུངས་ནས། །ངན་སོང་གསུམ་དུ་སྐྱེ་བར་འགྱུར། །དེ་ཡི་སྡུག་བསྔལ་བཟོད་གླགས་ཆད། །དམ་ཚིག་འདི་ནི་རྡོ་རྗེ་ཆེ། །དམ་རྫས་སོ་སོར་སྤྱོད་བ་ཞེས་བྱ་བའི་དམ་ཚིག་ནི། རིགས
458b5 ལྔ་སོ་སོར་དབྱེ་བ་ཡི། །རྡོ་རྗེ་སེམས་དཔའ་གླང་པོའི་ཤ། །རིན་པོ་ཆེ་ནི་རྟ་ཡི་ཤ། པདྨ་རིགས་ནི་ཨ་རི་ཀ་ཡི་ཤ། །དོན་ཡོད་ནམ་མཁའ་ལྡིང་གི་ཤ། །བདེར་གཤེགས་རིགས
458b6 ནི་ཤ་ཆེན་ནོ། །དབྱེ་བའམ་ཡང་ན་མི་དབྱེ་བར། །ངེས་པར་ངང་དུ་བླངས་པའོ། །ཡང་ན་ཐམས་ཅད་གཅིག་ཏུ་བསྡུ། །ཡང་ན་མཚན་ཉིད་མེད་པར་བརྟག། ཏིང་ངེ
458b7 འཛིན་ཕྱག་རྒྱའི་དམ་ཚིག་ནི། བདེ་གཤེགས་དཀྱིལ་འཁོར་མ་ལུས་ཀུན། །ཡེ་ནས་རང་བཞིན་གསལ་བ་ལས། །ཐམས་ཅད་ཀུན་ལ་ཡོད་པར་བཤད། །ཡེ
iiif viewer powered by OpenSeadragon
