| e-texts navigator |
| Wylie |
458a1 ངན་སོང་གནས་རྣམས་ཐམས་ཅད་ཀུན། །བླ་མེད་བྱང་ཆུབ་རྒྱུ་ཡོད་པའོ། །ཐམས་ཅད་སྤྱོད་པ་ཞེས་བྱ་བའི་དམ་ཚིག་ནི། ཐམས་ཅད་ཀུན་ཏུ་བཟང་པོ་ཡི། །
458a2 འདོད་པའི་ཡོན་ཏན་ལྔ་རྣམས་ལ། །ཐོགས་པ་མེད་པར་སྤྱད་བྱས་ཏེ། །བསོད་ནམས་ཚོགས་ཆེན་ཡིན་པར་བརྟག། དེ་བཞིན་གཤེགས་པ་ལྔར་ཡང་བརྟག་།གཞན་ཡང
458a3 སྟོང་ཁམས་ཐམས་ཅད་ནི། །ཤེས་རབ་དབྱིངས་དང་འདོད་ཡོན་རྣམས། །རབ་འབྲིང་ཐ་མ་ཐམས་ཅད་སྤྱོད། །ཐམས་ཅད་མི་ཆུད་པ་ཞེས་བྱ་བའི་དམ་ཚིག་ནི། །ཕྱོགས
458a4 དུས་མཉམ་པའི་དཀྱིལ་འཁོར་དུ། །རྡོ་རྗེ་རིགས་མཆོག་མ་རྟོགས་པར། །ཐེག་པ་དམན་དང་ལྟ་བ་དམན། །དེས་ནི་ཐེག་མཆོག་རྟོགས་མི་འགྱུར། །མི་མཉམ་པ་ཡི་དོན་ཉིད
458a5 ཀུན་ཁྱབ་ཀྱང་། །ཉོན་མོངས་སྡུག་བསྔལ་ཉིད་ཀྱིས་བསྒྲིབས། །དེ་ཡིས་ཡང་དག་ཉིད་མི་མཐོང་། །མ་མཐོང་བ་ལ་མི་ཆུད་བྱ། །ཐམས་ཅད་བསྲུང་དུ་མེད་ཅེས་བྱ
458a6 བའི་དམ་ཚིག་ནི། ཐམས་ཅད་མ་ལུས་སངས་རྒྱས་ལ། །བསྒྲུབ་ཅིང་བསྲུང་བར་བྱ་བ་མེད། །དགེ་དང་མི་དགེ་གཉི་ག་མེད། །ཉོན་མོངས་སྤང་ཞིང་བྱང་བསྒྲུབ་མེད། །
458a7 དེ་བཞིན་ཉིད་ཀྱི་ཀློང་གྱུར་ན། །བདེ་དང་མི་བདེ་དབྱེར་མེད་དེ། །ཡེ་ནས་དག་མཉམ་ཉིད་དུ་གནས། །དེ་ལ་བསྲུང་བྱ་རྡུལ་ཙམ་མེད། །ཐམས་ཅད་བསྲུང་བ་མེད་པ་ཞེས་བྱ
iiif viewer powered by OpenSeadragon
