| e-texts navigator |
| Wylie |
3b1 རྣམ་པར་བརྒྱན་པ། ཡེ་ཤེས་ཀྱི་ལྔ་ལྡིས་མངོན་པར་བྲེས་པ། རྡོ་རྗེའི་རྒྱན་དང་འཕན་གྱིས་ཀླུབས་པ། སྤྲུལ་ནག་གི་ཟ་ར་ཚགས་དང་། སྤྲིན་ནག་གི་གྲིབ་སོ
3b2 ལྟ་བུས་གཞོལ་བའི་བར་བར་ཐམས་ཅད་ན་རིན་པོ་ཆེ་དང་། མུ་ཏིག་དང་། མེ་ཏོག་གིས་མཛེས་པ། འཁོར་བའི་མཎྜལ་ཡོ་བཀྲམ་ལ་བམ་རིལ་ཆེ་ཆུང་དང་། ཁོག་སྐམ
3b3 སྟོད་སྨད་དང་། ཡན་ལག་རིང་ཐུང་དང་། དབང་པོའི་ཕྲེང་བ་དང་། རྡོ་རྗེས་ཀུན་ཏུ་སྤྲས་པ། སྒོ་དགུས་ཀུན་ཏུ་གསལ་བར་གྱུར་པའི་གནས་ན་རྡོ་རྗེ་རྒྱལ་ཚབ་ཅེས
3b4 བྱ་བའི་ཞེ་སྡང་རྡོ་རྗེ་དང་། རྡོ་རྗེ་གོ་ཕུར་ཞེས་བྱ་བའི་ང་རྒྱལ་རིན་ཆེན་དང་། རྡོ་རྗེ་གིང་ཞེས་བྱ་བའི་འདོད་ཆགས་པདྨོ་དང་། རྡོ་རྗེ་ཀརྨ་ཞེས་བྱ་བའི་ཕྲག་དོག
3b5 སྣ་ཚོགས་དང་། རྡོ་རྗེ་བྱ་རོག་ཅེས་བྱ་བའི་དྲོད་ཀྱི་རྟགས་འཛིན་དང་། རྡོ་རྗེ་དུས་མཚམས་ཞེས་བྱ་བའི་མཐུན་འཇུག་གི་བཀའ་སྡོད་དང་། རྡོ་རྗེ་སྤུན་ཐམས་ཅད
3b6 དང་། རྡོ་རྗེ་མིང་ཐམས་ཅད་དང་། རྡོ་རྗེ་རིག་འཛིན་ཐམས་ཅད་དང་། རྡོ་རྗེ་ལུས་ཐམས་ཅད་དང་། རྡོ་རྗེ་རྣལ་འབྱོར་ཐམས་ཅད་དང་། རྡོ་རྗེ་ངག་ཐམས་ཅད་དང་། རྡོ་རྗེ
3b7 ལས་ཐམས་ཅད་དང་། རྡོ་རྗེ་ཡིད་ཐམས་ཅད་དང་། རྡོ་རྗེ་མ་ཐམས་ཅད་དང་། རྡོ་རྗེ་གིང་ཐམས་ཅད་དང་། རྡོ་རྗེ་མཁའ་འགྲོ་ཐམས་ཅད་དང་། རྡོ་རྗེ་ཤུགས་ཀྱིས་འགྲོ་བ
iiif viewer powered by OpenSeadragon
