| e-texts navigator |
| Wylie |
332b1 ཡི|་|ཡེ་ཤེས་སེམས་དཔའི་སྐུ་གསུང་ཐུགས། །དཀྱིལ་འཁོར་བཞི་བཅུ་རྩ་ལྔ་ཉིད། །ཡི་གེ་མགོ་ནས་ཀྵ་ལ་རྫོགས། །སེམས་ནི་རང་བཞིན་ཡི་གེ་སྟེ། །ཡི་གེ་དངོས
332b2 པོ་ཡོད་མ་ཡིན། །དམིགས་མེད་དེ་ཉིད་སྣ་ཚོགས་པའི། །སྐུ་གསུང་ཐུགས་ཀྱི་འཁོར་ལོ་ཆེ། །གསུང་ཐུགས་ནི་ངོ་མཚར་གྱི། །ཡ་མཚན་འཕྲུལ་ཆེན་རབ་འགུགས་པ། །དབྱིངས་ལ་དབྱིངས་ཀྱིས
332b3 བྲིས་པ་སྟེ|་|ཡི་གེ་ཞེས་ནི་དེ་ཕྱིར་བརྗོད། །མགོ་ནི་མ་ནོར་ལམ་ཡིན་ཏེ། །ཚེག་ནི་ཤེས་རབ་མིང་དུ་སྨྲས། །ཤད་ནི་ཐབས་ཆེན་ཚིགས་སུ་གཅོད། ། ནི་སྐྱེ་མེད་དེ
332b4 བཞིན་ཉིད། །ཋ་ནི་སྒྱུ་འཕྲུལ་རྡོ་རྗེ་ཉིད། །ཊ་ནི་སྣང་བའི་སྒྱུ་འཕྲུལ་ཉིད། །ཌ་ནི་སྒྱུ་འཕྲུལ་ཡིད་བཞིན་ཉིད། །ཌྷ་ནི་སྒྱུ་འཕྲུལ་རྣམ་དག་ཉིད། །ཎ་ནི་ཀུན་ཏུ་སྒྱུ་འཕྲུལ
332b5 ཉིད|་|ཐ་ནི་དྲ་བས་མངོན་རྫོགས་ཉིད། །ཏ་ནི་དྲ་བས་བརྟན་པ་ཉིད། །ད་ནི་དྲ་བས་ལྷམ་མེ་ཉིད། །དྷ་ནི་དྲ་བས་འཁྱིལ་བ་ཉིད། །ན་ནི་དྲ་བས་ཀུན་ཏུ་འགྱུར། །ཀ
332b6 ནི་སྤྱན་གྱི་ཐུགས་ཀྱི་མཆོག་། ཁ་ནི་སྙན་གྱི་ཐུགས་ཀྱི་མཆོག་།ག་ནི་ཤངས་ཀྱི་ཐུགས་ཀྱི་མཆོག་།གྷ་ནི་ལྗགས་ཀྱི་ཐུགས་ཀྱི་མཆོག་།ང་ནི་ཐུགས་ཀྱང་འཇིག
332b7 བྱེད་པའོ། །ཙ་ནི་སྤྱན་གྱི་སྐུ་ཡི་མཆོག་།ཚ་ནི་སྙན་གྱི་སྐུ་ཡི་མཆོག་།ཛ་ནི་ཤངས་ཀྱི་སྐུ་ཡི་མཆོག་།ཛྷ་ནི་ལྗགས་ཀྱི་སྐུ་ཡི་མཆོག་།ཉ་ནི་སྐུ་ཡང་འཇིག་བྱེད
iiif viewer powered by OpenSeadragon
