| e-texts navigator |
| Wylie |
22b1 ནས་དེ་དག་མི་དམིགས་ལྟར། །འཁོར་བ་མི་དམིགས་འཁྲུལ་པ་ལ། །རྨི་ལམ་ནད་སེལ་རྩོལ་སྒྲུབ་ལྟར། །སྒྲུབ་དང་ཏིང་འཛིན་རྩོལ་བྱེད་ཀྱང་། །འཁོར་བ་སྟོང་རྟོགས་ཉིད
22b2 བྱང་ཆུབ། །སྒྱུ་མ་རྒྱུ་འབྲས་མི་སླུ་བཞིན། །བླུན་རྨོངས་ངོ་ལ་དེ་ལྟར་སྣང་། །མཉམ་ཉིད་རིག་པའི་རྩལ་ཅན་དག་།འཁོར་བ་འཁྲུལ་པའི་ཚིག་ཙམ་དུ། །མ་ནོར་ལམ་རིག
22b3 བློ་ལ་གསལ། །དེ་ལ་རྩོལ་ཐོབ་རློམ་སེམས་མེད། །སེམས་ཉིད་དོན་དང་མ་མཉམ་ན། །ཚིག་གིས་མཉམ་པས་དོན་མི་དཔོག་།འཁྲུལ་འཁོར་མཉམ་ལས་མ་གཡོས
22b4 ཀྱང་། །ལོག་རྟོག་སྒྱུ་མའི་ཚུལ་ཙམ་སྣང་། །སེམས་ཉིད་ཡེ་སངས་རྒྱས་རིག་ནས། །རིག་པའི་དོན་ལ་བརྩོན་སྦྱོར་ཞིང་། །རང་བྱུང་ཡོན་ཏན་རྩལ་སྡུང་བ། །འཁྲུལ་པར་འབྲེལ
22b5 པ་ག་ལ་ཡིན། །བྱང་ཆུབ་སེམས་ལྡན་བསམ་རྫོགས་ན། །ཡེ་ཤེས་མཆོག་ལྡན་མཉམ་ཉིད་སྐུ། །ཏིང་འཛིན་མཆོག་ལྡན་བླ་མའི་དབང་། །དགེ་བསགས་མཆོག་ལྡན
22b6 ལུས་སྤྱོད་པའི། །བསོད་ནམས་མཆོག་ལྡན་གཟུགས་ཀྱི་སྐུ། །རྣམ་སྨིན་ཚུལ་གྱིས་འགྲུབ་མི་ལྟ། །བཙལ་ནས་ཐོབ་པར་མི་བྱེད་དེ། །རྒྱུ་ཡི་དུས་ཉིད་འབྲས་བུའི་མཆོག་།དཔྱོད་པའི
22b7 སེམས་ཉིད་ཏིང་འཛིན་ནི། །སེམས་ཅན་དུས་ན་དོན་ལ་སྦྱོར། །ལྷུན་གྲུབ་ས་ལ་བགྲོད་མི་བྱེད། །འཁོར་བའི་ས་ཤེས་བདེ་ལྡན་གནས། །མི་གནས་འཁོར་བའི་སྡུག་བསྔལ་ཡང་།།
iiif viewer powered by OpenSeadragon
