| e-texts navigator |
| Wylie |
22a1 པར|་|དོན་ལ་ཚིག་གིས་བརྗོད་དུ་མེད། །སྣང་ཡང་མེད་པའི་རང་བཞིན་ལ། །ཤེས་བློ་ཡོད་པའི་སེམས་མི་འབྱུང་། །མཉམ་ཉིད་སྟོང
22a2 པའི་དོན་འདི་ལ། །དོན་ལྡན་སྟོང་པའི་སྒྲོ་མི་འདོགས། །མ་བཅོས་རང་བཞིན་ཞི་བ་ཡི། །མཚན་མའི་རྟོག་བྲལ་ཤེས་ལྡན་པས། །མདོ་ཙམ་དུའང་མི་དམིགས
22a3 ན|་|བྱུང་ཚོར་འཛིན་པར་ག་ལ་འགྱུར། །ཐམས་ཅད་མི་གནས་བྱང་ཆུབ་པས། །བཙལ་ནས་གྲུབ་པ་མ་ཡིན་ཡང་། །སྒྱུ་མ་སངས་ནས་འཁྲུལ་བྲལ་བཞིན། །
22a4 སྤྲོས་བྲལ་ཡེ་ཤེས་སྙིང་པོར་གནས། །འཁོར་བར་རྟོགས་པ་དུག་ཡིན་ཏེ། །འཁོར་བའི་སྡུག་བསྔལ་མི་ཤེས་ན། །དུག་འཐུངས་བདེ་བ་ག་ལས་འོང་། །སྦྱར
22a5 ལེགས་དུག་ཉིད་སྨན་དུ་འགྱུར། །འཁོར་བའི་ལས་རྣམས་དེ་ལྟར་སྣང་། །འཁྲུལ་སྣང་དུག་གཟེར་བཟོད་དཀའ་ལྟར། །མ་རིག་འཁོར་བའི་སྡུག་བསྔལ་སྣང་།།
22a6 རྨི་ལམ་སྒྱུ་འཕྲུལ་མི་ཟད་པས། །ཤིན་ཏུ་ཉམ་ཐག་གདུངས་པའི་ཚེ། །འཆི་བདག་བདུད་ཀྱིས་ཟིན་འདྲ་ལ། །མགོན་བཙུན་གཞན་གྱིས་མི་ཕན་ཏེ། །བདུད་སེལ་རྩི་དང
22a7 འདྲ་བར་ནི། །ཡང་དག་ལམ་མཆོག་རྟོགས་པར་བྱ། །དུག་ནད་སྨྱོ་སངས་འབྱང་བ་ལ། །སྐད་ཅིག་མ་ལ་མི་བཟོད་ཅིང་། །སྨན་དང་སྨན་པའི་རྩོལ་བསྒྲུབས་པ། །སངས
iiif viewer powered by OpenSeadragon
