| e-texts navigator |
| Wylie |
21b1 མཐའ་སྤངས་ནས། །གནས་པ་མེད་པའི་ཚུལ་གྱིས་གནས། །ཆོས་ཉིད་དབྱིངས་སུ་རོ་གཅིག་ཕྱིར། །ཤེས་དང་ཤེས་བྱ་གཉིས་མེད་དེ། །ཡེ་ནས་ཤེས་ཉིད་ཆོས་ཤེས་ན། །ཆོས
21b2 ཉིད་གཞན་ནས་བཅོལ་ཅི་དགོས། །དཔེར་ན་སྒྱུ་མའི་བདེ་སྡུག་ཀྱང་། །བསལ་ནས་གཉི་ག་མ་དམིགས་ལྟར། །འཁོར་བ་འགྱུར་བའི་བདེ་སྡུག་ཀྱང་། །མཉམ་པར་རང་བཞིན
21b3 དོན་གྱིས་མཉམ། །ཇི་ལྟར་དུས་རྣམས་ཐམས་ཅད་དག་།མཉམ་པ་ཉིད་དུ་རྟོགས་ནས་ནི། །སྒྲོས་ཚིག་རྗེས་སུ་མ་འབྲངས་ན། །མཉམ་འགྱུར་དུས་རྣམས་ག་ལ་དམིགས་།
21b4 མཁའ་ལ་ངང་གིས་གཟུགས་མེད་ཕྱིར། །དམིགས་སུ་ཟིན་པར་མི་འགྱུར་བཞིན། །སེམས་ཀྱིས་མ་སྐྱེས་དོན་མི་དཔོགས། །སྐྱོན་དང་ཡོན་ཏན་གཉིས་འབྱེད་པ། །རྟོགས
21b5 ནས་གཉིས་ཀྱི་དོན་སྤངས་ཏེ། །རང་བཞིན་མཉམ་པར་དོན་བཞག་ན། །བསྒོམ་ཞེས་མིང་དུ་བརྗོད་པར་ཟད། །གཉིས་སུ་ལྟ་བ་མ་སྐྱེས་ཕྱིར། །གཉིས་ཀྱི་འདུ་ཤེས་ཅི་བྱུང
21b6 ཡང་། །རང་བྱུང་ཞི་བ་མ་བཀག་ཆོས། །ཡེ་ནས་མ་བཅོས་དོན་གྱིས་གསལ། །མ་སྐྱེས་རྣམ་དག་བྱང་ཆུབ་སེམས། །མི་གནས་ཡེ་ཤེས་ཐུགས་དང་མཉམ། །རིག་དང
21b7 མ་རིག་ཁྱད་པར་ལས། །འཁོར་འདས་རྟེན་དང་འབྲེལ་པར་སྣང་། །རྣམ་རྟོག་མེད་ཕྱིར་ཞི་བ་མེད། །འཛིན་པར་མ་ཡིན་སྤྲོས་བྲལ་མིན། །དྲང་བའི་དོན་བསྟན་མ་གཏོགས
iiif viewer powered by OpenSeadragon
