| e-texts navigator |
| Wylie |
20a1 རྙེད|་|འདི་ལས་གཞན་དུ་གང་ཚོལ་བ། །བཙལ་བ་ཉིད་ན་ཚེ་ཆད་འགྱུར། །གཞན་ནམ་དམན་པའི་སྒོ་རྣམས་ནི། །ཏིང་འཛིན་མེད
20a2 པའི་ཆོས་ཉིད་ལ། །འཛིན་པའི་ཏིང་འཛིན་བཅུག་པས་ནོར། །དེ་དག་ལ་ནི་གང་སྤྱོད་རྣམས། །ཐེན་ཚེར་མིག་ནི་ནམ་མཁའ་ལ། །ཕྲ་རབ་ཐེན་ཐག་འཛུད་པ
20a3 ལྟར|་|བྱིས་པ་ལས་གང་བྱེད་པ་དེ། །ཤེད་ཅན་དག་གིས་བྱར་མི་རུང་། །ཤེད་ཅན་སྤྱོད་པའི་ནམ་མཁའ་དེ། །ཐེན་ཚེར་ནམ་མཁར་ཤོང་མི་འགྱུར། །དེ་བས
20a4 གཞན་ལ་བསྟན་པ་མིན། །བསྟན་ན་བྱིས་པ་ག་ཆད་འགྱུར། །ཆོས་ཉིད་ནམ་མཁའ་ལྟ་བུའི་དངོས། །གསལ་བར་འོད་སྟོང་ཉི་མས་འགྲུབ། །བྱིན་རླབས་འོད་ཀྱི་ཟེར
20a5 ཕྲེང་ཙམ། །སྒྱུ་མ་ལྟར་སྣང་མཚན་མར་ཐོབ། །མི་གཡོ་མཚན་མེད་རང་བཞིན་དངོས། །སྐྱེ་མེད་སེམས་ཀྱིས་མ་མཐོང་བ། །བྱིས་པ་འདྲིད་པའི་རྩེད་མོར་སྣང་། །དངོས
20a6 གྲུབ་ཆེན་པོའི་སེམས་ཉིད་དེ། །ཡིད་བཞིན་འབྱུང་བ་རིན་པོ་ཆེ། །ཇི་ལྟར་དམིགས་ཤིང་བསྒྱུར་བར་འགྱུར། །གྲུབ་པའི་དོན་ཆེན་ཐམས་ཅད་རྫོགས། །སེམས་ཀྱིས
20a7 སེམས་ཀྱི་ཚུལ་མཐོང་ན། །དངོས་གྲུབ་ཅེས་དེ་དག་ལས་འོང་། །གང་གིས་སྩོལ་ཏེ་སུ་ཡིས་བླང་། །སྩལ་དང་སྩོལ་བར་བྱེད་མི་དམིགས། །དཔེར་ན་ཆུ་དང་མེ་ལོང
iiif viewer powered by OpenSeadragon
