| e-texts navigator |
| Wylie |
207b1 པ་འདི་བརྗོད་དོ། །འབར་བའི་འཁོར་ལོ་རྩི་བས་བཞི་པ། །གྲུ་ཆད་བཞི་ཡིས་རྣམ་པར་བརྒྱན། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གཉིས
207b2 ཀྱིས་མཛེས། །ཐོད་སྦྲུལ་ལ་སོགས་ཉི་མས་བརྗིད། །འབར་བའི་འཕྲོ་བ་མང་པོས་འཁྲུག་།ཁྱུ་མཆོག་མ་ཧེ་གཟིགས་དང་སྟག་།གཏུམ་པ་དོམ་གྱི་སྦར་བ
207b3 ཡིས|་|དབང་ཕྱུག་ལྷ་ཆེན་ལ་སོགས་གཟུང་། །སྨུག་ནག་སྔོ་ནག་སེར་ནག་དང་། །དམར་ནག་ལྗང་ནག་འཇིགས་པའི་སྐུ། །དབུ་གསུམ་ཕྱག་དྲུག་ཞབས་བཞིར
207b4 བགྲད|་|ཀོ་རློན་གོས་ནི་སྣ་ཚོགས་གྱོན། །རྔམ་པའི་སྒྲ་སྐད་འཇིགས་པར་སྒྲོག་།སྦྲུལ་དང་ཐོད་ཕྲེང་ཉི་ཟླར་བཅས། །སྟོང་གི་འཇིག་རྟེན་ཁོར་ཡུག་བཅས། །
207b5 རྡོ་རྗེ་དུང་ཆེན་གང་བ་དང་། །རལ་གྲི་སྒྲ་སྟ་གཤོལ་ལ་སོགས། །རང་གི་ལག་ཆ་སྣ་ཚོགས་བསྣམས། །བཙུན་མོ་འཇིགས་པའི་ཚོགས་དང་འཁྲིལ། །གནས
207b6 དང་ཡུལ་གྱི་ཕྱག་རྒྱ་དང་། །སྒོ་བཞི་ཕྱག་རྒྱ་རབ་མཛེས་ཤིང་། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་བརྒྱད་ཀྱིས་མཛེས། །རང་གི་སྟན་དང་ལག
207b7 ཆ་དང་། །ཅི་བགྱི་ཞེས་ནི་ཆས་ཏེ་གནས། །ཞེས་བརྗོད་པས། འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་འབར་བའི་དཀྱིལ་འཁོར་ཀུན་དུ་གསལ་བར་གྱུར་ཏོ། །
iiif viewer powered by OpenSeadragon
