| e-texts navigator |
| Wylie |
19b1 ཀྱི་རྒྱུ་བ་སྣ་ཚོགས་འབྱུང་། །བྱུང་བ་བཞིན་དུ་དེ་མ་གྲུབ། །སེམས་ཀྱི་སྐད་ཅིག་དྲན་པ་ལ། །ཡིད་ཀྱིས་དམིགས་པ་རྒྱུན་ཆད་ནས། །བྱུང་ཆོར་ཆད་པའི་མཐའ་སྤངས་ཏེ། །ཆོས
19b2 རྣམས་ནམ་མཁའ་ལྟ་བུར་ནི། །བརྗོད་མེད་རྒྱུན་མི་འཆད་པར་དམིགས། །དེ་དོན་ཕྱིན་ཅི་མ་ལོག་པར། །རྗེད་མེད་ཏིང་འཛིན་སྒོམ་པའི་མཆོག་།ཅི་ཕྱིར་ཆོས་ཀྱི་དབྱིངས
19b3 ཉིད་ནི|་|ནམ་མཁའ་ལྟ་བུར་འདུས་མ་བྱས། །བསམ་དུ་མེད་པས་ནམ་མཁའ་འདྲ། །བརྗོད་དུ་མེད་པས་གཟུགས་དང་བྲལ། །ཀུན་གཞི་ཀུན་ཏུ་ནམ་མཁའ་ལ། །ཡིད
19b4 ནི་མཁའ་ལ་ཉི་ཤར་འདྲ། །རྣམ་ཤེས་ཉོན་མོངས་སྤྲིན་གྱིས་ཁེབས། །འདུ་བྱེད་རླུང་གིས་ཀུན་བསྐྱོད་དེ། །གསལ་དང་བྱུང་འཇུག་སངས་དང་འགག་།རྣམ་ཤེས
19b5 མཚན་མའི་རྟོག་པ་ཡིས། །ཀུན་གཞི་ནམ་མཁའ་མཐོང་མི་སྟེར། །ཀུན་གཞི་མཐོང་ཉིད་ཆོས་སྐུ་སྟེ། །འདི་དོན་ནམ་མཁའ་མ་བརྗེད་པ། །ཏིང་འཛིན་ཆེན་པོ་རྒྱུན་མི་འཆད།།
19b6 གང་ཞིག་འདི་དོན་ཡིད་འཆང་བ། །གཟུགས་ཀྱི་དངོས་པོ་ཅིར་སྣང་ཡང་། །སེམས་ནི་ཡེ་ནས་མྱ་ངན་འདས། །བདེ་ཆེན་སངས་རྒྱས་ཐམས་ཅད་ལ། །དགོངས་པ་འདི
19b7 ལས་ཡོང་མི་མངའ། །སྣང་བ་མེད་པའི་ནམ་མཁའ་འདི། །ཏིང་འཛིན་ཆེན་པོར་གནས་བཞིན་དུ། །འདི་ལས་གླགས་ཏེ་ཅི་ཞིག་ཚོལ། །རྒྱལ་བས་བཙལ་ཀྱང་ཡོང་མི
iiif viewer powered by OpenSeadragon
