| e-texts navigator |
| Wylie |
19a1 པར་འདི་ལྟ་བུ། །དེས་ན་གཅིག་ལས་མེད་བཞིན་དུ། །སྤྱོད་མཐུན་རྩོལ་བའི་རང་བཞིན་ལ། །རྣམ་རྟོག་སྤྱད་པ་སོ་སོར་སྣང་། །འཁྲུལ་པ
19a2 ཐམས་ཅད་འཁོར་བར་སྤྱོད། །རྒྱུ་འབྲས་མི་སླུ་བདེན་དོན་སྤྱོད། །མི་དམིགས་པ་ལ་ནམ་མཁར་སྤྱོད། །དེ་ལྟར་སྤྱོད་པ་ཀུན་སྤྱོད་ཀྱང་། །དམ་པའི་དོན་དེ་སྤྱོད་མཆོག
19a3 ཉིད|་|དམ་པར་གྱུར་པ་ཐམས་ཅད་ལ། །དམ་པའི་སྤྱོད་པ་དེ་ལས་མེད། །སྐྱེས་བུ་མཆོག་གིས་དེ་སྐད་བཤད། །ཐེ་ཚོམ་མེད་པར་ཤེས་པར་གྱིས། །མ་སྤྱོད་བྱང་ཆུབ
19a4 དེ་བཞིན་ཉིད། །བསྒོམ་དུ་མེད་པའི་ཆོས་ཉིད་ལ། །བསྒོམ་པ་དམིགས་སུ་མེད་པ་སྟེ། །ཏིང་འཛིན་ཞེས་ནི་གདགས་སུ་མེད། །བསྒོམས་ཀྱང་རྙེད་པ་མ་ཡིན་ལ། །དེ
19a5 བཞིན་མ་བསྒོམས་སྟོར་བ་མེད། །བསྒོམ་ཆོས་སྣ་ཚོགས་ཅིར་སྣང་ཡང་། །བསྒོམས་ནས་དེ་ཡི་ངང་མི་གནས། །དེ་བས་བྱིས་པའི་སྤྱོད་ཡུལ་ཡིན། །དཔེར་ན་བྱིས
19a6 པའི་རང་བཞིན་གྱིས། །ས་ལ་སོགས་པ་གཟུགས་སྣ་ཚོགས། །མཛེས་པར་བྱས་ནས་སྐད་ཅིག་མཐོང་། །མཐོང་བ་ཉིད་ན་མ་གྲུབ་སྟེ། །སྐད་ཅིག་ཁོ་ནས་ཞིག་གྱུར
19a7 ནས། །ས་ལ་སོགས་པའི་རྡུལ་དུ་སྣང་། །དེ་བཞིན་རྣལ་འབྱོར་བྱིས་པ་ཡིས། །གཟུགས་ལ་སོགས་པ་སྣ་ཚོགས་བསྒོམས། །སེམས་ཀྱི་བྱེ་བྲག་སྐད་ཅིག་ལ། །ཡིད
iiif viewer powered by OpenSeadragon
