| e-texts navigator |
| Wylie |
18b1 པས་ཅི་བཙལ་དགོས། །གང་ཞིག་འདོད་དེ་ཅི་ཞིག་སྒྲུབ། །ཅི་སྤྱད་ཅི་བསྒྲུབས་ཅི་བཙལ་ཡང་། །སྡུག་བསྔལ་ཉིད་དེ་བྱང་ཆུབ་མེད། །དམྱལ་བ་སངས་རྒྱས་ཆེན་པོ་ལ། །
18b2 སྡུག་བསྔལ་བྱང་ཆུབ་ལམ་ཉིད་དེ། །ཉན་ཐོས་རང་རྒྱལ་ས་གཉིས་ངང་། །ཐེག་པའི་ཁྱད་པར་ཅི་བསྟན་པ། །བྱེད་རྩོལ་བཅས་པ་ཐམས་ཅད་འཁྲུལ། །བླ་མེད་བྱང
18b3 ཆུབ་གེགས་སུ་ཆེ། །གང་ཞིག་བཙལ་མེད་བདེ་ཆེན་དོན། །སེམས་ཀྱི་ཀློང་འདིས་མ་མཐོང་ན། །སྒྲུབ་དང་རྩོལ་བ་ཅི་སྤྱད་ཀྱང་། །བྱིས་པ་དོན་མེད་གྱིས་ན་འཁྱམས། །
18b4 བཙལ་དུ་མེད་པའི་རང་བཞིན་ལ། །རྩོལ་བའི་སྤྱོད་པས་ཅི་ཞིག་བྱ། །འཛིན་པ་མེད་པའི་ཆོས་ཉིད་ལ། །ཚིག་འཛིན་ནོར་པའི་རྩོལ་བྱར་མེད། །བགྲོད་དུ་མེད་པའི་ཆོས
18b5 ཉིད་ལ|་|བགྲོད་པའི་དཀྱིལ་འཁོར་མིང་དང་བྲལ། །བསམ་དུ་མེད་པའི་ཆོས་ཉིད་ལ། །རྟོག་སེམས་བསམ་པའི་དམིགས་དང་བྲལ། །བཙལ་མེད་པ་ཡི་ཆོས་ཉིད
18b6 ལ|་|བཙལ་མེད་ཡེ་ནས་ལྷུན་གྱིས་གྲུབ། །མཐའ་དབུས་མེད་པས་བརྡལ་པ་ཆེ། །ཕྱི་ནང་མེད་པས་ཡེ་གསལ་ཁྱབ། །སྐྱོན་ཡོན་མེད་པ་ལྷུན་གྱིས་རྫོགས། །བསྒྲུབ་ཏུ
18b7 མེད་པས་བཙལ་སེམས་བྲལ། །གཟུང་དུ་མེད་པས་དམིགས་དང་བྲལ། །ཐམས་ཅད་མཁྱེན་པས་བྱིན་རླབས་ཆེ། །གདོད་ནས་བྱང་ཆུབ་སྙིང་པོར་གནས། །སྤྱོད་པའི་ཁྱད
iiif viewer powered by OpenSeadragon
