| e-texts navigator |
| Wylie |
18a1 ཡོན་ཆོས་ལ་བླང་དོར་བྱེད། །བསྲུང་དང་བྲལ་བའི་ཆོས་རྣམས་ནི། །བསྲུང་དུ་མེད་པས་དེ་བཞིན་གཞག་།དེ་བཞིན་པ་ཡི་དམ་ཚིག་ལ། །ཇི
18a2 བཞིན་པ་ཡི་བློ་གཞག་སྟེ། །བརྗེད་པ་མེད་པའི་སེམས་ཉིད་ཀྱིས། །བསྲུང་བ་མེད་པའི་ངང་དུ་བསྡམ། །བསྲུང་མེད་ནམ་མཁའི་དམ་ཚིག་འདི། །ཇི་ལྟར་གྲགས་པའི་རང
18a3 བཞིན་ལ། །སྡོམ་དང་ཚུལ་ཁྲིམས་སོ་སོར་སྣང་། །བྱིས་པ་རྣམས་ནི་ཐ་ཚིག་སྡོམ། །བདེན་གཉིས་རྒྱུ་ལ་སྟོན་པར་གྲགས། །བླ་མེད་མཆོག་ལ་དམ་ཚིག་སྤྱོད། །གཅིག
18a4 གི་དོན་ལས་མ་གཡོས་ཀྱང་། །འདུལ་དབང་ངོ་ལ་སོ་སོར་གྲགས། །ཁོ་ན་ཉིད་ལྡན་དམ་ཚིག་མཆོག་།དེ་དང་གང་ལྡན་དམ་པ་སྟེ། །དེ་ལས་འདས་ན་ཚིག་པར་འགྱུར།།
18a5 དེ་ཕྱིར་དམ་ཚིག་ཆེན་པོ་ནི། །ནམ་མཁའ་འདྲ་བར་དཔའ་བོས་བཤད། །རྒྱལ་བ་དཔའ་བོ་ཐམས་ཅད་ལ། །དམ་ཆིག་འདི་ལས་ཡོང་མི་མངའ། །སྤྱོད་པ་དག་གི་ཁྱད་པར
18a6 ཡང་། །ཆོས་ཉིད་བྱ་རྩོལ་ཀུན་བྲལ་ལ། །སྒྲུབ་དང་བསྒྲུབ་པའི་དམིགས་པ་མེད། །འཁྲུལ་པ་གཅོད་པའི་སྐྱེ་བོ་དག་།དམིགས་མེད་བྱང་ཆུབ་བདེ་ཆེན་ལ། །སྡུག
18a7 བསྔལ་རྩོལ་སེམས་བཅུག་པས་ནོར། །བྱ་བ་མེད་པའི་ཆོས་ཉིད་ལས། །ཉོན་མོངས་བྱ་མེད་སྤྱད་པས་འཁྲུལ། །རང་བྱུང་ལྷུན་གྲུབ་གནས་གཞན་དུ། །བྱིས་པའི་སྤྱོད
iiif viewer powered by OpenSeadragon
