| e-texts navigator |
| Wylie |
17b1 ཅི་བྱུང་ཡང་། །ཆོས་ཉིད་ནམ་མཁའ་བཞིན་གནས་པར། །རྣལ་འབྱོར་ཅན་གྱིས་བལྟ་བར་བྱ། །དེ་ལྟ་བུ་ཡི་སེམས་ཉིད་ནི། །རྟོགས་དང་མ་རྟོགས་རང་བཞིན་ལ། །ལྟ་བའི
17b2 ཁྱད་པར་སོ་སོར་བལྟ། །རྟོག་པ་ཅན་གྱི་ངོ་ག་ལ། །རྟོག་པ་འཁྲུལ་པའི་ངོ་བོར་སྣང་། །ཀུན་ཏུ་ཉེར་འཇོག་ལམ་ཚོར་ལ། །ཀུན་ཏུ་རྡུལ་གྱི་ཕུང་པོར་སྣང་། །ཚོགས་སྤྱོད་སྙིང
17b3 རྗེ་ཉེར་འཇོག་ལ། །ཐམས་ཅད་སྒྱུ་མའི་རང་བཞིན་ལྟར། །དེ་ཉིད་མཉམ་པར་ཤེས་གནས་ན། །ནམ་མཁའི་རང་བཞིན་མཐོང་བར་གནས། །ཡེ་ཤེས་རང་སྣང་ནམ་མཁའ
17b4 ལ|་|ནམ་མཁའ་ཉིད་དུ་སྣང་བར་ཟད། །བརྗོད་བྲལ་མཐོང་མེད་དམིགས་དང་བྲལ། །མཐོང་བ་མེད་པའི་དོན་འདི་ནི། །སྔོན་གྱི་རྒྱལ་བ་རྣམས་ཀྱིས་བཤད། །བདེ་གཤེགས
17b5 སྙིང་པོ་བྱང་ཆུབ་ལ། །དགོངས་པ་འདི་ལས་གང་མི་མངའ། །ལྟ་བ་དེ་དང་ལྡན་བཞིན་དུ། །དམ་ཚིག་ནམ་མཁའ་ལྟ་བུ་ལ། །བསྲུང་དང་མི་བསྲུང་ཕྱོགས་དང་བྲལ། །འདི་འོ
17b6 ཞེས་ནི་བསྲུང་དུ་མེད། །སྲུང་བའི་རྣམ་གྲངས་ཇི་སྙེད་ཅིག་།དུས་གསུམ་རྒྱལ་བས་གསུངས་མོད་ཀྱང་། །སྲུང་བའི་མདོ་ནི་གཅིག་ཏུ་འདུས། །ནམ་མཁའ་ལྟ་བུའི་རྣལ
17b7 འབྱོར་པས། །ནམ་མཁའ་འདྲ་བའི་དམ་ཚིག་བསྲུང་། །དེ་ཡང་བསྲུང་དུ་མེད་ན་བདེ། །གཞན་པ་ཐེག་པ་ཆུང་བ་རྣམས། །བསྲུང་བའི་མཚམས་དག་བསྲུངས་ནས་ནི། །སྐྱོན
iiif viewer powered by OpenSeadragon
