| e-texts navigator |
| Wylie |
17a1 འབྱུང་། །ཆོས་དང་སངས་རྒྱས་ཡེ་ཤེས་འབྱུང་། །དགེ་འདུན་ཡང་ནི་དེ་བཞིན་ནོ། །འདི་ལས་ཕ་རོལ་ཕྱིན་ཚོགས་དང་། བྱང་ཆུབ་དང་ནི
17a2 པདྨོ་འབྱུང་། །འདི་ལས་རྡོ་རྗེ་སེམས་དཔའ་དང་། །དྲི་མེད་རིན་ཆེན་དཔའ་སྦྱིན་འབྱུང་། །དེ་བཞིན་རྡོ་རྗེ་དཔག་མེད་དང་། །སྣ་ཚོགས་རྒྱལ་བ་འདི་ལས་འབྱུང་། །འདི་ལས་ཕྱག
17a3 རྒྱ་སྣ་ཚོགས་དང་། རིག་པའི་སྙིང་པོ་ཐམས་ཅད་འབྱུང་། །འདི་ལས་འདོད་ཆགས་ཞེ་སྡང་དང་། །སྡུག་བསྔལ་ང་རྒྱལ་ཕྲག་དོག་འབྱུང་། །གཏི་མུག་དག་ཀྱང་དེ་བཞིན
17a4 ཏེ|་|འདི་ལས་ཁམས་གསུམ་ཐམས་ཅད་དང་། །སྐྱེས་པ་བུད་མེད་མ་ནིང་འབྱུང་། །འདི་ལས་འདོད་དང་འདོད་གཟིར་དང་། །ཉོན་མོངས་གདུང་འདོད་ཆགས་པ་འབྱུང་། །
17a5 རི་དང་སྐྱེ་བོ་དེ་བཞིན་དུ། །ནམ་མཁའ་དང་ནི་རླུང་དག་དང་། །སྲེག་པའི་མེ་ནི་རབ་ཏུ་འབྱུང་། །འདི་ལས་ས་དང་ཆུ་དང་ནི། །རྡོ་དང་ས་བོན་མྱུ་གུ་འབྱུང་། །དེ་བཞིན་གློག
17a6 དང་སྐར་མ་དང་། །ཉི་མ་ཟླ་བ་སྤྲིན་རྣམས་འབྱུང་། །དེ་བཞིན་སྤྱོད་དང་མི་སྤྱོད་ཀུན། །ཐམས་ཅད་ཐམས་ཅད་འབྱུང་བར་འགྱུར། །དཔེར་ན་ནམ་མཁའི་རང་བཞིན་ལས།།
17a7 སྤྲིན་དང་ན་བུན་ཁུག་རླངས་དང་། །ཟླ་བ་ཉི་མ་སྐར་ཚོགས་དང་། །སྣང་ཡང་ནམ་མཁའ་བཞིན་དུ་གནས། །དེ་བཞིན་སེམས་ཀྱི་ནམ་མཁའ་ལས། །མཚན་མའི་ཆོ་འཕྲུལ
iiif viewer powered by OpenSeadragon
