| e-texts navigator |
| Wylie |
173a1 ཏ་ཐཱ་ག་ཏ་སྟ་མ་ཏི་ཧོ། །གླེགས་བམ་ཟབ་མོ་ལ་སོགས་ཐམས་ཅད་རྣམས། །རིགས་ཀྱི་བུ་མཆོག་དེ་ལ་སྦྱིན་པར་བྱ། །དེས་ན་འགྲོ
173a2 བའི་དོན་བྱེད་ནུས་པས་ན། །ལས་རྣམས་རྒྱ་མཚོ་ཐམས་ཅད་སྒྲུབ་པའི་རྟགས། །རྡོ་རྗེ་རྒྱ་གྲམ་ལ་སོགས་རྣམ་བཞིའི་རྫས། །བུ་མཆོག་དེ་ལ་ཐབས་ཀྱིས་སྦྱིན་པར
173a3 བྱ|་|གཞན་གྱི་རེ་འདོད་སྐོང་བའི་བུ་མཆོག་དེ། །རྒྱལ་པོ་རྒྱལ་རིགས་རྒྱུད་དུ་བྱུང་བ་བཞིན། །རྒྱལ་ཚབ་ཆོས་ཀྱི་རྒྱུད་དུ་བྱུང་བས་ན། །ཏནྟྲ་ལ་སོགས་དམ་པའི་མཛོད
173a4 གསུམ་སྦྱིན། །དེས་ནི་སློབ་མའི་ཚོགས་ཀུན་སྐྱོང་ནུས་ཕྱིར། །བསྟན་པ་སྒྲོག་པའི་ས་ལ་གནས་བྱའི་ཕྱིར། །རྡོ་རྗེ་རྒྱལ་པོ་དཔལ་གྱི་དབང་མཆོག་འདི། །ཐེག་ཆེན
173a5 དགུ་ཡི་རྟགས་དང་བཅས་ཏེ་སྦྱིན། །དེ་ནི་བླ་མེད་རྒྱལ་པོར་འགྱུར་བས་ན། །ས་རྣམས་ནོན་པའི་རྟགས་མཆོག་གདན་ཁྲིའི་དབང་། །ལྷ་ཆེན་ལ་སོགས་ཞིང་ཆེན
173a6 ཉི་ཟླར་བཅས། །ཁྱུ་མཆོག་སེངྒེ་མ་ཧེ་གཟིག་དང་སྟག་།གཏུམ་པའི་དོམ་གྱིས་སྤར་ཏེ་སྦྱིན་པར་བྱ། །རྒྱལ་པོ་ཡིན་པའི་རྟགས་ནི་རྣམ་པ་བདུན། །སྐྱེ་ལ་དབང
173a7 སྒྱུར་རྒྱལ་པོ་མཉེས་པའི་གཟུངས། །ཕ་རོལ་དཔུང་འཇོམས་སྲིད་ཐུབ་འཛིན་པ་དང་། །བདག་གཞན་དོན་སྒྲུབ་རྫུ་འཕྲུལ་རྐང་པར་ལྡན། །དགོས་འདོད་ཡིད་བཞིན
iiif viewer powered by OpenSeadragon
