| e-texts navigator |
| Wylie |
172b1 པོ་མཆོག་ཏུ་དབང་བསྐུར་རོ། །རིན་ཆེན་པདྨ་སེངྒེའི་ཁྲི། །བླ་མར་གྱུར་པའི་གདན་མཆོག་དེ། །ཁྱད་པར་ཆེན་པོར་གྱུར་པའི་དབང་། །ཁྲི་ཆེན་དག་ལ་གཞག་པར
172b2 བྱ|་|ཅོད་པན་མེ་ཏོག་ཕྲེང་ལ་སོགས། །དབང་མཆོག་བརྗིད་པའི་རྒྱན་གྱིས་ཀླུབས། །དབུ་རྒྱན་དོ་ཤལ་སེ་མོ་དོ། །དཔུང་རྒྱན་རྐང་གདུབ་ལག་གདུབ་རྣམས། །
172b3 དབང་ཐོབ་རྒྱལ་པོས་དེ་ལ་སྦྱིན། །དབང་ཐོབ་མཛེས་པས་བརྗིད་པའི་རྒྱལ་པོ་དེ། །དབང་ཕྱུག་ཡིན་པས་དེ་ལ་ཀུན་ཕྱག་འཚལ། །རྡོ་རྗེ་དབང་ཕྱུག་རྒྱལ་པོ་ཞེས
172b4 པར་ནི|་|ཀུན་གྱིས་སྒྲ་ཆེན་འབོད་ཅིང་བསྒྲག་པར་བྱ། །གསེར་གྱི་འཁོར་ལོ་རྩིབས་ཁྱུད་ལྡན་པ་ཞིག་།རྒྱལ་པོ་དེ་ཡི་ལག་ཏུ་བསྐུར་ནས་ནི། །འཇིག་རྟེན་ཀུན་ལ
172b5 ཁ་ལོ་སྒྱུར་བ་ཡི། །དབང་མཆོག་རྒྱལ་པོ་འདི་ཡང་སྦྱིན་པར་བྱ། །ཕྱི་འཁོར་སྐྱོང་བའི་རྒྱལ་པོར་གྱུར་ཕན་ཆད། །བླ་མེད་མཆོག་གི་རྟགས་དང་ལྡན་འགྱུར་བས།།
172b6 གསང་སྒོ་ཕྱེ་ནས་ནང་དུ་གཞུག་པར་བྱ། །ཤིན་ཏུ་གསང་བའི་རྫས་དང་ལྡན་གྱུར་ན། །གསང་སྒོ་གང་ལས་འདོད་པའི་དོན་རྣམས་ཞུ། །གནང་ཆེན་པོ་ཡི་རྟགས
172b7 སུ་བྱིན་གྱིས་བརླབ། །གསང་བའི་དོན་ལ་ཉན་ཅིང་བསླབ་པའི་དབང་། །དབང་ཐོབ་སྐལ་ཅན་དེ་ལ་སྦྱིན་པར་བྱ། །བདུད་རྩི་ཆུ་འདིས་རྣ་བའི་གསང་སྒོ་དབྱེ། །སརྦ
iiif viewer powered by OpenSeadragon
