| e-texts navigator |
| Wylie |
172a1 དང་པོ་སྦྱིན་པའི་དབང་འདི་ཡིན་ཏེ། ཨོཾ་ཧཱུཾ་ས་ཧྲི་ཧ། ཀུན་གྱིས་འདའ་བར་དཀའ་བ་ཡི། །ཚིག་བཙན་ཡུལ་ལ་དབང་སྒྱུར་བ། །རྒྱལ་པོ
172a2 བཀའ་རྟགས་ཕྱག་རྒྱའི་དབང་། །སྐུ་ལྔ་ཡོངས་སུ་རྫོགས་པར་འགྱུར། །རིགས་རྣམས་སོ་སོའི་རྒྱུད་འཛིན་ཅིང་། །རྟགས་ཀྱི་མཚན་མ་ཆེན་པོ་ནི། །སྦྱོར
172a3 བ་ཆེན་པོའི་ཕྱག་མཚན་ཏེ། །དམ་ཚིག་ཕྱག་རྒྱ་རྫོགས་པར་འགྱུར། །ཤེས་རབ་གཟུངས་ཀྱི་གསང་མཆོག་ནི། །དོན་དང་ལྡན་པར་གྱུར་པ་ཡིན། །མཐའ
172a4 གཉིས་དག་ཏུ་མི་གཏོང་བའི། །གཟུངས་མའི་རྒྱལ་མོ་ཆེན་མོ་ཡིན། །གཉིས་མེད་ཡོངས་སུ་རྫོགས་པ་ན། །ཐམས་ཅད་བདེ་བ་ཆེན་པོའི་ངང་། །བྱང་ཆུབ
172a5 སེམས་དང་དོན་དུ་འབྲེལ། །ཤེས་རབ་ཆེན་པོ་རྫོགས་པའི་དབང་། །བཀྲ་ཤིས་ཆེན་པོ་བུམ་བ་ནི། །བདེ་གཤེགས་བཞུགས་པའི་ཕོ་བྲང་སྟེ། །དཀྱིལ་འཁོར
172a6 རྫོགས་པར་གྱུར་པ་ཡི། །དབང་ཆེན་དེ་ལ་སྦྱིན་པར་བྱ། །གསང་བའི་བསྟན་པ་རྒྱས་ནས་ནི། །ཡུན་རིང་གནས་པར་འགྱུར་བ་ཡིས། །བཀྲ་ཤིས་རྫས་ཀྱི་དབང
172a7 མཆོག་ཀྱང་། །གནང་བ་ཆེན་པོ་སྦྱིན་པར་བྱ། །དོན་རྣམས་གྲུབ་པར་འགྱུར་བ་ཡི། །འདོད་རྒུར་རེ་སྐོང་རིན་པོ་ཆེ། །རྒྱལ་སྲིད་རིན་ཆེན་སྣ་བདུན་གྱིས། །རྒྱལ
iiif viewer powered by OpenSeadragon
