| e-texts navigator |
| Wylie |
171b1 ཧྲི་ད་ཡ་ན་མ་བ་སྟི་ནཱ་ན། ས་མ་ཡ་རཀྵ་སིདྡྷི་བདྱི་བཛྲ་ཨ་མྲྀ་ཏོ་ད་ཀཾ། རྡོ་རྗེ་ཐ་ཚིག་ཆུ་བླུད་ནས། །རྡོ་རྗེ་གལ་ཆེན་མནའ་དོར་རོ། །རྡོ་རྗེ་དམ་ཚིག་སྡོམ་པ་རྣམས། །ཐམས
171b2 ཅད་ཐམས་ཅད་དབོག་པར་བྱ། །སློབ་པའི་གཉེར་ཡང་དབོག་པར་བྱ། །ཀྱེ་རིག་འཛིན་རྡོ་རྗེ་བུ་མཆོག་ཁྱེད། །རྣལ་འབྱོར་རྒྱལ་བའི་སྲས་ཀྱི་ཡིན། །གཞན་ཡང
171b3 གསང་བ་མ་སྨྲ་ཞིག་། གལ་ཏེ་སྨྲས་ན་དམྱལ་བར་འཚིག་།ཁྱོད་ནི་རྡོ་རྗེ་ཆེ་གེ་མོ། །རྒྱལ་བའི་སྲས་པོ་གདུང་རྒྱུད་འཇིན། །གསང་བ་མཆོག་གི་མིང་སྦྱིན་གྱི། །ཞིང
171b4 ཁམས་ཀུན་ཏུ་བདེ་བར་སྤྱོད། །དེས་ནི་སངས་རྒྱས་ཞིང་དུ་སྐྱེ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས། རྡོ་རྗེ་རྣལ
171b5 འབྱོར་འཇུག་བའི་ལེའུ་ཞེས་བྱ་སྟེ་སུམ་ཅུ་རྩ་གཅིག་པའོ། ། །།དེ་ནས་ཡང་སེམས་དཔའི་རྡོ་རྗེས་ཡོངས་སུ་རྫོགས་པ་དབང་གི་ལེའུ་འདི
171b6 གསུངས་སོ། །འདུས་པ་ཆེན་པོའི་རྣལ་འབྱོར་པ། །སྲིད་པ་གསུམ་གྱིས་ཕྱག་བྱས་པས། །བླ་མའི་ས་ལ་གནས་པ་ནི། །གསང་མཆོག་སུམ་ཅུ་རྩ་དྲུག་ཡིན། །
171b7 ཕྱི་ཡི་དབང་དང་ནང་གི་དབང་། །སྒྲུབ་པའི་དབང་དང་གསང་བའི་དབང་། །བཅུ་དང་བཅུ་གཅིག་བཅུ་གསུམ་དང་། །རྣམ་པ་གཉིས་ཀྱིས་རྫོགས་པར་འགྱུར། །དེ་ལ
iiif viewer powered by OpenSeadragon
