| e-texts navigator |
| Wylie |
16b1 མེད་དེ|་|སེམས་ཉིད་གང་ཡིན་ཆོས་ཉིད་དེ། །ཆོས་ཉིད་ཀྱང་ནི་དེ་བཞིན་ནོ། །ཆོས་སེམས་གཉིས་མེད་ལྡན་གྱུར་པ། །བླ་མེད་བྱང་ཆུབ་ཆེན་པོར་བཤད། །སེམས་ནི་ནམ
16b2 མཁའ་ལྟ་བུ་སྟེ། །རྣམ་པར་རྟོག་བྲལ་གང་མི་རྟོགས། །དེ་བཞིན་ས་གཞི་ཆེན་པོ་ལྟར། །བླ་མེད་བྱང་ཆུབ་མྱུ་གུ་སྐྱེད། །མེ་ཡི་རང་བཞིན་ལྟར་སྣང་བས། །རྨོངས་པའི
16b3 བུད་ཤིང་སྲེག་པར་བྱེད། །རླུང་གི་རང་བཞིན་ཡིན་པས་ན། །མི་ཤེས་པ་ཡི་རྡུལ་ཀུན་སེལ། །ཆུ་ཡི་རང་བཞིན་ཡིན་པས་ན། །ཉོན་མོངས་གདུང་བ་ཀུན་སིམ་བྱེད། །སྨན
16b4 གྱི་རང་བཞིན་ཡིན་པས་ན། །འཁོར་བའི་གཅོང་རྙིང་རྣམ་པར་འབྱིན། །དེ་ལྟར་རྩི་ཡི་རང་བཞིན་པས། །འཚོ་བ་རྣམས་ཀྱི་གསོས་སུ་འབབ། །དེ་བཞིན་རྣོ་དབལ་རང་བཞིན
16b5 པས|་|སྡུག་བསྔལ་རྒྱ་མཚོ་རྣམ་པར་གཅོད། །ཉི་མ་ལྟ་བུར་སྣང་བ་ཡིས། །མུན་ཁང་སྣང་སྟོན་སེལ་བར་བྱེད། །རི་རབ་ལྟ་བུའི་རང་བཞིན་པས། །བརྟན་པོ་མི་འགྱུར
16b6 གཡོ་བ་མེད། །རྒྱ་མཚོ་ལྟ་བུའི་རང་བཞིན་པས། །མི་གཡོ་བ་ལ་བྱིན་རླབས་ཆེ། །སེམས་ནི་འདི་ལྟར་ཆོ་འཕྲུལ་པས། །དེ་ཕྱིར་འཁོར་དང་མྱ་ངན་འདས། །གཉིས་སུ
16b7 སྣང་བ་མ་ཡིན་ཏེ། །སེམས་ཀྱི་རང་བཞིན་བཟང་ངན་ལས། །གཉིས་ཀྱི་འདུ་ཤེས་ཕྱེ་སྟེ་བསྟན། །སེམས་ལས་ཡང་དག་ཡེ་ཤེས་འབྱུང་། །དེ་བཞིན་བདེ་དང་སྡུག་བསྔལ
iiif viewer powered by OpenSeadragon
