| e-texts navigator |
| Wylie |
168a1 རིག་པའི་ཉི་མ་གསལ་བར་འབེབས། །བདག་ཉིད་དཔལ་ཆེན་འབར་བའི་ཐུགས། །ཙིཏྟ་དཔལ་བེའུ་ཟུར་བརྒྱད་འབར། །རིན་ཆེན་ཡི་གེ་འབྲུ་བརྒྱད་གསལ། །དཔལ
168a2 ཆེན་རིན་ཆེན་འབར་བའི་ཐུགས། །དཔལ་བེའུ་སྨུག་པོ་ཟུར་བརྒྱད་ལས། །གསེར་གྱི་ཉི་མ་དགུ་ཤར་བ། །འོད་ཟེར་རུ་ལུ་ཡིག་འབྲུ་བརྒྱད། །རྡོ་རྗེ་འབར་བའི་རླུང་སྒྲོམ་དུ། །ཤིན་ཏུ་འབར་འཕྲོ
168a3 འཁྲུགས་བྱས་ཏེ། །སྤྲོས་པས་རྣལ་འབྱོར་དབང་ཕྱུག་གི་།ན་ས་གཡས་སུ་དྲང་བར་བྱ། །གོ་རོ་ཙ་ནའི་གཞལ་ཡས་སུ། །སྲན་ཟླུམ་ཙམ་གྱི་རྒྱ་ཁྱོན་ལ། །གསེར
168a4 གྱི་ཉི་མ་གའུ་དགུ། །ཤར་བའི་དཀྱིལ་ན་ཡིག་འབྲུ་དགུ། །གསལ་བའི་འོད་ཀྱི་གཞལ་ཡས་ཁང་། །དངོས་པོའི་བག་ཆགས་ཀུན་བསྲེགས་ཏེ། །སེམས་ནི
168a5 གསེར་ཆུ་ཞུན་མ་བཞིན། །ལྟེམ་ལ་འཚོར་ཞིང་འོང་འབར་བ། །རྩལ་ལས་གྱུར་བའི་ཟླ་དཀྱིལ་འཁོར། །ཉི་མ་སྟེང་ན་དཔལ་བེའུ་འབར། །དེ་ལ་རུ་ལུ་འཕྲོ
168a6 ཞིང་འདུ། །དཔལ་བེའུ་ཙིཏྟའི་དཀྱིལ་འཁོར་འདི། །ཡིག་འབྲུ་འབར་བའི་ག་འུར་གསལ། །པདྨོ་འབར་བའི་གའུ་འདི། །ཡི་གེ་ཕྲེང་བ་འཁྱིལ་བའི་གནས།།
168a7 དཔེར་ན་མེ་ཏོག་འབར་བ་ལས། །བཅུད་ལེན་བུང་བས་བཅུད་བླངས་ཏེ། །རྩི་ཡི་བུར་བུ་གསོག་པ་ལྟར། །དཔལ་བེའུ་ཐུགས་ཀྱི་དཀྱིལ་འཁོར་ནས། །རིན
iiif viewer powered by OpenSeadragon
