| e-texts navigator |
| Wylie |
167b1 ཡང་བཀོང་། །གར་ཏ་བ་ཡི་གླུ་བླངས་པས། །གནོད་བྱེད་ཐམས་ཅད་རྡུལ་དུ་རློག་།ཅང་ཀ་དེའུ་ཡི་གླུ་བླངས་པས། །འབར་བའི་དཀྱིལ་འཁོར་མེ་ལྟར་མཆོད། །པང་ཀ
167b2 དེའུ་ཡི་གླུ་བླངས་པས། །དྲག་པོ་གཏུམ་པོ་ལྷན་ནེར་འགྱུར། །བྲང་ངེ་བ་ཡི་གླུ་བླངས་པས། །སྤྲུལ་པའི་ཆོ་འཕྲུལ་ཐམས་ཅད་འགྱེད། །དུང་ངེ་བ་ཡི་གླུ་བླངས
167b3 པས|་|སྲིད་པའི་བུ་མོ་དབང་དུ་སྡུད། །ཡི་གེ་འབྲུ་དགུའི་རང་བཞིན་ལ། །ཕྱག་རྒྱའི་དཀྱིལ་འཁོར་ཐམས་ཅད་རྫོགས། །དེ་བཞིན་འཁོར་ལོ་མུ་ཁྱུད་བཅས། །
167b4 ཁྱམས་དང་སྒོ་ཁྱུད་གསལ་བའོ། །སྲིད་པ་མཐོང་ཡོད་སྣང་གྲགས་ཀྱང་། །ཐམས་ཅད་སྔགས་ཀྱི་ཚིག་ཏུ་རྫོགས། །ཡི་གེ་རྒྱལ་བ་ཀུན་དང་འབྲེལ། །འཁོར
167b5 ལོའི་ས་ལ་ཉེ་བའོ། །ཡི་གེས་དམིགས་པ་ཐམས་ཅད་འགྲུབ། །ཆགས་མེད་ལྷུན་གྲུབ་དོན་པོ་ཆེ། །རྣམ་བཞི་ལས་ཀྱི་ཁྱད་པར་ཡང་། །བྱ་བ་མེད་པར
167b6 དོན་དུ་འགྱུར། །ཡི་གེ་གསང་བའི་འཕྲོ་འདུ་ཡིས། །རྒྱལ་བ་དཔའ་བོ་ཐམས་ཅད་མཉེས། །དེ་ཀུན་ཡི་གེས་རྣམ་སྤྲུལ་ཡང་། །རང་བཞིན་དངོས་མེད་ཆོས་ཀྱི
167b7 དབྱིངས། །ཡིག་འབྲུ་འབར་བའི་ཆོ་འཕྲུལ་ལས། །དམ་པའི་ངོ་མཚར་སྣ་ཚོགས་འབྱུང་། །དེ་བཞིན་སྒྲིབ་པའི་བུད་ཤིང་སྲེག་།གཏི་མུག་མུན་སེལ་ཡེ་ཤེས་འབར།།
iiif viewer powered by OpenSeadragon
