| e-texts navigator |
| Wylie |
166b1 དོན་བྱུང་བ། །ོཾ་གྱིས་གླུ་རྣམས་རབ་ཏུ་འདྲེན། །ོཾ་ཡང་ཨ་ཡི་ཆོ་འཕྲུལ་ཏེ། ། ནི་ཆོས་ཀྱི་ཡི་གེ་ཡིན། ། ལས་ཨོཾ་བྱུང་རྒྱལ་བའི་ཐུགས། །རྒྱལ་བ་ཆོས་ཀྱི་དབྱིངས
166b2 ལས་བྱུང་། ། ལས་ཨཾ་བྱུང་གསུང་གི་མཆོག་།གསུང་ལས་གླུ་ཡི་ཡན་ལག་འབྱུང་། །དབྱངས་ཀྱི་ཡན་ལག་དྲུག་ཅུར་གྲགས། །གླུ་ཡི་ཡོན་ཏན་བསམ་མི་ཁྱབ།།
166b3 སྔོན་གྱི་རྒྱལ་བ་གླུ་ཡིས་གྲུབ། །རིག་འཛིན་རྡོ་རྗེ་གླུ་ཡིས་འདྲེན། །རྣལ་འབྱོར་དབང་ཕྱུག་གླུ་ཡིས་འགྲུབ། །བསྟན་པ་རྒྱ་མཚོ་གླུ་ཡིས་སྤེལ། །སྲིད་པའི་བུ་མོ་གླུ་ཡིས
166b4 བརྟེན|་|བདུད་དང་སྲིན་པོ་གླུ་ཡིས་འདུལ། །དངོས་གྲུབ་རྒྱ་མཚོ་གླུ་ཡིས་འབེབས། །ཆོས་ཉིད་དབྱིངས་ཀྱི་ཀློང་དཀྱིལ་ནས། །དཔལ་བེའུ་ཉི་མ་དགུ་ཤར་བས། །
166b5 རྣམ་ཐར་སྒོ་བཞི་རབ་གསལ་ཡང་། །མ་རིག་མུན་ནག་འཐིབས་པ་ཡིས། །བསྒྲིབས་པར་རིག་པའི་སྒོ་མོ་དབྱེ། །འཁོར་བའི་མུན་ནག་ཀློང་རུམ་ན། །བྱང་ཆུབ་སེམས
166b6 ཀྱི་ཟླ་ཤར་བས། །མུན་གསལ་རྣམ་ཐར་སྒོ་བཞིར་སྣང་། །རིན་ཆེན་འབར་བའི་ཉི་མ་རྣམས། །དཔལ་ཆེན་ཐུགས་ལས་འོད་ཤར་བས། །བག་ཆགས་སྤྲིན་མཐོངས
166b7 བྱེ་བ་རུ|་|རྣལ་འབྱོར་ཐུགས་ཀར་ཟེར་བབ་པས། །མུན་བསལ་རིག་པའི་སྒོ་ཕྱེ་སྟེ། །རྣལ་འབྱོར་དོན་ལ་འཇུག་པར་བྱ། །རིག་པ་ཐུགས་ཀྱི་དཀྱིལ་འཁོར་ནས། །
iiif viewer powered by OpenSeadragon
