| e-texts navigator |
| Wylie |
166a1 རྣམ་གྲོལ་ཕུང་པོ་ལྔ་རུ་ཐིམ། །འབྱུང་ཆེན་རྒྱུ་ཡི་མཚན་མ་འདི། །མཁའ་ཀློང་འབར་བ་ལྔ་རུ་ཐིམ། །རོལ་པ་ཆེན་པོ་མཆོད་སྦྱིན་ལ། །
166a2 རྒྱལ་བ་རྒྱ་མཚོའི་ཚོགས་རྣམས་རོལ། །བླ་མེད་བསྟན་འགྲན་མཆོད་པ་འདི། །སྔོན་ཆད་རྒྱལ་བས་བགྲོད་པའི་ལམ། །དུག་གསུམ་གཏིང་ནས་གསོད་པའི
166a3 ཐབས|་|སྔོན་གྱི་ཐུགས་དམ་བཞིན་དུ་བཞེས། །འཆི་མེད་བདུད་རྩི་གཡུང་དྲུང་ཆུ། །རོ་ཡི་ཁམས་རྣམས་སློང་བར་བྱེད། །དུག་གི་ཕུང་པོ་འཇོམས་བྱེད་པ། །རྩི
166a4 མཆོག་སྨན་གྱི་མཆོད་པར་བཞེས། །ཞེས་མཆོད་པའི་ཚོགས་རྣམས་ལིང་ལོང་ཕྱད་པར་བྱུང་བས་རྒྱལ་བ་རྒྱ་མཚོའི་ཚོགས་ལོངས་སྤྱོད་དེས་མཉེས་པར་གྱུར
166a5 ཏོ|་|རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས། མཆོད་པ་དམ་པ་གསང་བའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས
166a6 སེམས་དཔའི་རྡོ་རྗེ་དེས་རྡོ་རྗེ་གླུའི་ལེའུ་འདི་གསུངས་སོ། །འདིར་ནི་རྡོ་རྗེ་རྣལ་འབྱོར་རྣམས། །བསྙེན་པར་སྣང་བའི་དབང་ཐོབ་ནས། །བསྒོམ་དབྱངས་ཡི་གེ་འབྲུ
166a7 བརྒྱད་སྤྲོ། །ཡི་གེ་གླུ་ཡི་རྒྱན་ཡིན་ཏེ། །གླུ་ཡི་ཡི་གེ་བཅུ་དྲུག་ལས། །ཡི་གེ་ཡན་ལག་བསྒྱུར་བསྡེབས་ནས། །གླུ་ཡི་བྱེ་ཕྲག་བསམ་མི་ཁྱབ། །དང་པོར་གླུ་ཡི
iiif viewer powered by OpenSeadragon
