| e-texts navigator |
| Wylie |
162b1 རྡོ་རྗེ་སྐབས་སྦྱོར་བླ་མ་ཡིས། །བདུད་རྩི་སྐབས་ཀྱི་མཆོད་པ་སྦྲེང་། །རྡོ་རྗེ་བྲོ་གར་གླུ་ཚིག་གིས། །སྐབས་ཀྱི་གླུ་གར་མཆོད་པ་དག་།རོལ་མོས་དྲངས་ཏེ་དབུལ
162b2 བར་བྱ། །རྡོ་རྗེ་གནས་ཀྱི་སྨོན་ལམ་ནི། །སྐབས་དང་ལས་ཀྱི་མཇུག་ཏུ་གདབ། །རྡོ་རྗེ་ལས་ཀྱི་སྟངས་འཛིན་པས། །རྩ་བརྒྱད་ལས་ཀྱིས་གྲངས་བཟུང་སྟེ། །དཀར
162b3 བྱུང་བླ་མའི་ཕྱག་ཏུ་དབུལ། །རོ་ཡི་ལས་ངན་ལྟངས་འཛིན་པས། །གྲངས་མེད་གྲངས་སུ་བཟུང་ནས་ནི། །མཚན་མ་ནག་པོའི་བྱང་བུ་དག་།ཡེ་ཤེས་མེ་ཡི་ཀློང
162b4 དུ་བསྲེག། །མེ་ཡིས་སྦྱོར་བའི་ཆོ་ག་བྱ། །མེ་ཡི་ལྷ་ནི་གང་ཡིན་པ། །མེ་ཡི་སངས་རྒྱས་སྣང་མཐའ་ཡས། །མེ་ཡི་ལྷ་མོ་གོས་དཀར་མོ། །རྒྱལ་བ་ཀུན་གྱི
162b5 འོད་མཆོག་སྟེ། །འབྱུང་བ་མེ་ལ་དབང་སྒྱུར་ཞིང་། །ཐམས་ཅད་ཀུན་གྱི་དྲོད་བདག་ཡིན། །སྲིད་གསུམ་སྲེག་པར་ཞལ་གྱིས་བཞེས། །འཁོར་བའི་སྲེག་པའི
162b6 འཕྲིན་ལས་ལ། །ཐུགས་དམ་དབང་གིས་ཡོང་མི་འདའ། །མེ་ཡི་ཆོ་ག་ཐམས་ཅད་ནི། །ཡུམ་ཆེན་དཀར་མོ་ཉིད་ལ་བསྒོ། །དེ་ནས་ཆོ་ག་ཀུན་རྫོགས་ནས། །རོ
162b7 ཡི་སྒྲིབ་པ་བྱང་མ་བྱང་། །མེ་ཡི་དངོས་གྲུབ་ཐོབ་མི་ཐོབ། །མེ་ལ་མཁས་པས་གོང་བཞིན་བརྟག་།མཚན་མ་མི་སྡུག་བྱུང་བ་ན། །སྲེག་སྦྱང་ཆོ་ག་རྒྱ་ཆེར་བྱ། །
iiif viewer powered by OpenSeadragon
