| e-texts navigator |
| Wylie |
15b1 དབྱིངས་ཉིད་ལ། །གཡོས་པ་མེད་ཅིང་ཆོ་འཕྲུལ་འབྱུང་། །ཡོན་ཏན་སྣ་ཚོགས་ཆེར་འབྱུང་བའི། །གཏེར་གྱི་དབྱིག་འདི་གང་མཐོང་བ། །སངས་རྒྱས་ཀུན་གྱི་ཡོན་ཏན
15b2 ཡང་། །སྐད་ཅིག་གཅིག་ལ་དེ་ལ་འདུས། །དེ་བས་ཡིད་བཞིན་རིན་ཆེན་འདི། །ལྡོག་པ་མེད་པས་དང་དུ་བླང་། །དོན་དམ་ཡང་དག་གཏེར་གྱི་མཆོག་།རྣལ་འབྱོར་ཀུན་གྱི
15b3 ནོར་མཆོག་སྟེ། །གང་རྟོགས་དེ་འཐོབ་གཅིག་པུ་ཉིད། །འབྲེལ་མེད་གཞན་གྱིས་ཐོབ་པར་དཀའ། །བདག་མེད་གཉིས་བྲལ་བདེ་ཆེན་ཀློང་། །སངས་རྒྱས་ཀུན་གྱི་བདེ་བ
15b4 ཆེ|་|ཡེ་ནས་ལྷུན་གྲུབ་འདུས་མ་བྱས། །ཐིག་ལེ་ཆོས་ཉིད་ཡེ་འབྱམས་པས། །ཀུན་ཁྱབ་བརྡལ་བས་སྙིང་པོར་འདུས། །མི་དམིགས་སྤྲོས་བྲལ་བྱང་ཆུབ་སེམས། །
15b5 ཟབ་མོར་སྣང་བའི་ངེས་དོན་འདི། །མཁའ་ལ་མདུད་པ་གཏིང་དཔག་དཀའ། །རྣལ་འབྱོར་དམིགས་ལྡན་བློ་ཆུང་ཞིང་། །གང་ཞིག་རྩལ་ཞན་དེ་རྟོག་པ། །གཡོར་མོའི
15b6 ཚུལ་དུ་བདག་བརྟག་པ། །བརྟགས་ཀྱང་རྟོགས་པར་མི་འགྱུར་རོ། །དཔེར་ན་ཉི་མའི་སྙིང་པོ་ལ། །མིག་གི་དབང་པོས་རབ་བརྟགས་ན། །དེ་བརྟགས་དོན་དེ་མི་རྟོགས་ཀྱི། །
15b7 འོད་ཀྱི་ཟེར་གྱིས་མིག་རྫིར་འགྱུར། །དེ་འདྲར་བྱིས་པའི་རང་བཞིན་གྱིས། །ཟབ་མོའི་དོན་ལ་ཅིར་བརྟགས་ཀྱང་། །ཡང་དག་དོན་དེ་མི་མཐོང་གི་།བློ་ཞན་བྱིས་པ་ག་ཆད་བརྒྱལ།
iiif viewer powered by OpenSeadragon
