| e-texts navigator |
| Wylie |
15a1 དེ་ཡང་གཅིག་གི་རྣམ་པ་ལས། །མང་པའི་རྣམ་གྲངས་དུ་མ་འབྱུང་། །སྡུད་ཅིང་ཕྱིར་ཡང་དུམ་བུར་འཆད། །དེ་བཞིན་རྣལ་འབྱོར་སྒྲུབ
15a2 པ་ཡི|་|ཏིང་འཛིན་རྣམ་པ་མང་པོར་འདོད། །འཁྲུལ་པ་སྣང་བའི་རང་བཞིན་ནི། །སྤྲོས་བྲལ་དངོས་པོ་སྟོང་པ་ལས། །སྲོག་དང་ཤེད་ཅན་བྱེད་པ་པོ། །སེམས
15a3 ཅན་པ་ལ་སོགས་པར་སྣང་། །མིག་ནད་ངོ་ལ་རྫས་ལྟར་སྣང་། །འཁྲུལ་པ་ཁོ་ན་སྣང་བར་ཟད། །དེ་བཞིན་སྔགས་ཀྱི་ལྟ་བ་ཡང་། །ཆོ་འཕྲུལ་མང་པོ་ཅིར་འཕྲུལ
15a4 པ|་|སྣང་བ་མེད་པའི་རང་བཞིན་ལ། །འཁྲུལ་པ་སྣ་ཚོགས་སྣང་བར་ཟད། །རྣལ་འབྱོར་ཅན་གྱིས་དེ་ལྟར་བལྟ། །ཇི་ལྟར་མགལ་མེའི་རང་བཞིན་ནི། །གང་དག་ལག
15a5 ན་མགལ་མེ་ཐོགས། །བསྐོར་ན་འཁོར་ལོའི་རྒྱུན་ལྟར་སྣང་། །དེ་ལ་འཁོར་ལོའི་རང་བཞིན་མེད། །དེ་བཞིན་སྔགས་ཀྱི་ཆོ་འཕྲུལ་ཡང་། །མི་མཉམ་མཉམ
15a6 པའི་རང་བཞིན་ལས། །ཇི་ལྟར་དམིགས་པའི་དོན་འབྱུང་སྟེ། །ཆོ་འཕྲུལ་སྣ་ཚོགས་རྒྱུན་མི་འཆད། །དེ་ཕྱིར་མཚན་མའི་ཆོས་ཐམས་ཅད། །མཚན་མེད་ངང
15a7 དུ་གཅིག་པས་ན། །རྟོག་པའི་བག་ཆགས་ཅི་བྱུང་ཡང་། །ཆོས་ཀུན་དབྱིངས་སུ་གཅིག་པའི་ཕྱིར། །རྟོག་འཇུག་སྤྲོས་པའི་མཚན་མ་ཀུན། །མ་བྱུང་མ་སྐྱེས
iiif viewer powered by OpenSeadragon
