| e-texts navigator |
| Wylie |
159b1 ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འདུས་པའི་ཚོགས་ཐམས་ཅད་ཀྱིས་ཆོས་ཐམས་ཅད་མའི་རང་བཞིན་དུ་སྣང་བར་མཐོང་ངོ་། །དེ་ནས་འཁོར
159b2 རྣམས་ཀྱིས་ཤིན་ཏུ་བསྟོད་པ། །ེ་མའོ་སེམས་དཔའ་ཆེ་བ་ཆེ། །ཏིང་འཛིན་ཆེན་པོ་སྣང་བ་ཆེ། །ཆོ་འཕྲུལ་ཆེན་པོ་སྣ་ཚོགས་ཆེ། །ཐབས་མཆོག་ཁྱོད་ལ་ཕྱག
159b3 འཚལ་ལོ། །ཆོས་ཀུན་མེ་ཀློང་བཞིན་དུ་སྣང་། །མེ་ཉིད་ཡེ་ཤེས་གསལ་བའི་ཀློང་། །འབར་འཕྲོ་གསལ་བར་གྱུར་པས་ནི། །མུན་བསལ་དངོས་པོ་ཐམས་ཅད
159b4 བསྲེགས། །བདེ་ཆེན་དབྱིངས་སུ་ཀུན་རྫོགས་པར། །དཔའ་བོ་ཁྱོད་ཀྱིས་མཛད་པ་ལགས། །ཐུགས་རྗེ་ཆེན་པོ་ཨ་ལ་ལ། །དོན་གྲུབ་ཆེན་པོ་ཨ་ལ་ལ། །སྒེག་པ
159b5 ཆེན་པོ་ཨ་ལ་ལ། །འཇིགས་བྱེད་ཆེན་པོ་ཨ་ལ་ལ། །དགྱེས་པ་ཆེན་པོ་ཨ་ལ་ལ། །དྲེགས་པ་ཆེན་པོ་ཨ་ལ་ལ། །དཔའ་བོ་ཁྱོད་ཀྱིས་སྦྱིན་རླབས་ཀྱིས། །བདག
159b6 ཅག་རྣམས་ལ་བཤད་པ་ཤོད། །མེ་ཡི་རང་བཞིན་ཆེན་པོ་དག་།བདག་ཅག་རྣམས་ལ་བཤད་པར་གསོལ། །ཞེས་གསོལ་བ་བཏབ་པ་ལས། སེམས་དཔའི
159b7 རྡོ་རྗེས་དགྱེས་ཏེ་འདི་སྐད་ཅེས་བཀའ་སྩལ་ཏོ། །འདུས་པ་ཆེན་པོའི་རྣལ་འབྱོར་པ། །རྡོ་རྗེ་མེ་ཡི་རང་བཞིན་དག་།བཤད་ཀྱི་ཁྱེད་རྣམས་གུས་པར་ཉོན། །རྡོ་རྗེ་མེ
iiif viewer powered by OpenSeadragon
