| e-texts navigator |
| Wylie |
158b1 ཡང་། །ཐབས་ཀྱི་ག་པུར་ཆེན་པོ་དང་། །ཤེས་རབ་གསང་བའི་ཙནྡན་གཉིས། །དཀར་དམར་ཟླ་གམ་ཆེན་པོར་བྱ། །ཡབ་ཀྱི་ཐུགས་ཀར་དཀར་པོ་ལ། །ཐིག་ལེ
158b2 ཁ་ནི་མར་ལྟ་བའོ། །ཡུམ་གྱི་ཐུགས་ཀར་དམར་པོ་ལ། །ཐིག་ལེ་ཁ་ནི་ཡར་ལྟ་བའོ། །ཡབ་ཀྱི་ཐིག་ལེའི་དབུས་སུ་ནི། །དཔལ་བེའུ་དབུས་སུ་ཉི་མ་བྲི། །དབུས
158b3 སུ་ཨོཾ་གསལ་ནང་དུ་ཧཱུཾ། །ཡུམ་གྱི་ཐིག་ལེའི་དབུས་སུ་ནི། །པདྨ་དབུས་སུ་ཟླ་བ་བྲི། །དབུས་སུ་ཨ་གསལ་ནང་དུ་ཧཱུཾ། །དེ་ལྟར་གསལ་བར་གྱུར་པ་ན། །ཀུན
158b4 ཏུ་བཟང་པོ་ཡབ་ཡུམ་དུ། །གཉིས་སུ་མེད་པར་བསྒྱུར་བར་བྱ། །ཏིང་འཛིན་གསལ་བར་གྱུར་པ་དང་། །ངང་ལས་བྱུང་བའི་བདུད་རྩི་ཡིས། །གསང་བ་གཉིས
158b5 ཀྱི་མཆོད་པ་བྱ། །རང་ལས་བྱུང་བའི་དངོས་གྲུབ་དག་།རང་ཉིད་ལ་ནི་བསྟིམ་པར་བྱ། །འདི་ལྟར་སྒྲུབ་པ་གཙོར་བྱེད་ན། །བདུད་རྩིའི་ཡོ་བྱད་ཐམས་ཅད་དང་། །
158b6 བཅུད་ཀྱི་མཆོག་ཏུ་གྱུར་པ་རྣམས། །ལོ་ཡི་འཚོ་བར་སྦྱར་ནས་ཀྱང་། །བསྙེན་སྒྲུབ་ཡན་ལག་རྣམ་བཞི་ལས། །བསྙེན་པ་དག་གི་དུས་སུ་ནི། །གང་ཟག་མི་ཡི
158b7 ཟས་ལ་བརྟེན། །དེ་ཡང་ལོ་ཡི་སྐད་ཅིག་གམ། །གཉིས་དང་གསུམ་གྱི་བར་དུ་སྦྱར། །ལོ་ཡི་སྐད་ཅིག་བར་དུ་ནི། །བདུད་རྩི་ཡོད་བྱད་རྣམས་ལ་བརྟེན། །དེ་ནས
iiif viewer powered by OpenSeadragon
