| e-texts navigator |
| Wylie |
156b1 རྣམས་ལས། །སྦྱར་ཏེ་དངོས་གྲུབ་རྟེན་དུ་བྱ། །ཟླ་བ་གཅིག་ཏུ་ཐོས་པས་ནི། །བ་སྤུ་རངས་ཤིང་གཉེར་མ་རངས། །ཟླ་བ་གཉིས་སུ་ཟོས་བྱས་ན། །གཟི་མདངས་ཐམས་ཅད
156b2 འབར་བར་འགྱུར། །ཟླ་བ་གསུམ་གྱི་ཕན་ཡོན་གྱིས། །ནད་ཀྱི་བསྐལ་པ་དག་ལས་ཐར། །ཟླ་བཞི་ཕན་ཆད་གང་ཟག་གི་།ཟས་དང་མ་འདྲེས་བརྩོན་བསྒྲུབས་ན། །
156b3 གཞན་གྱི་ནད་རྣམས་འཇོམས་པར་ནུས། །དྲུག་དང་བདུན་དང་བརྒྱད་རྣམས་ལ། །བདུད་རྩི་བཅུད་ཀྱིས་འཚོ་བར་འགྱུར། །དགུ་དང་བཅུ་ལ་ཟག་པ་ཟད། །བཅུ་གཅིག
156b4 རིག་འཛིན་ནམ་མཁར་འཕུར། །ཞེས་གསུངས་སོ། །བདུད་རྩི་སྐྱོ་མའི་སྒྲུབ་པ་རྣམ་པར་བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །
156b5 འདུས་པ་ཆེན་པོའི་རྣལ་འབྱོར་པ། །རྡོ་རྗེ་རིག་འཛིན་རྩལ་ལྔའི་ཟས། །ལྡེ་གུའི་ཆོ་ག་ཆེན་པོ་ནི། །འདི་ལྟར་ཁོང་དུ་ཆུད་པར་བྱ། །སྦྲང་རྩི་བུ་རམ་རྒུན་འབྲུམ་རྣམས། །ལོ
156b6 ཡི་འཚོ་བར་སྦྱར་ནས་ཀྱང་། །ཁ་དོག་མཚན་ལྡན་དམར་པོའི་བ། །ལོ་ཡི་འཚོ་བར་གཟུང་ཞིང་བསྲེལ། །སྨན་གྱི་རྒྱལ་མོ་རབ་མཉེ་བས། །རྒྱུན་དུ་གསོས་པའི་འོ་མ་དེ། །
156b7 རིག་འཛིན་ཟས་ཀྱི་མཆོག་ཏུ་འགྱུར། །བདུད་རྩི་རྒྱལ་མོ་རབ་མཉེ་བ། །ཕྱེ་མའི་མཆོག་ཏུ་བྱས་ནས་ཀྱང་། །ལོ་ཡི་འཚོ་བར་སྦྱར་བྱས་ཏེ། །སུས་མི་མཐོང་བའི་ས་ཕྱོགས
iiif viewer powered by OpenSeadragon
