| e-texts navigator |
| Wylie |
156a1 བུར་བྱ|་|བསེ་ཕོར་མཚན་ལྡན་ནང་དུ་གཞག་། ལེགས་པར་ཁ་སྦྱར་རས་ཀྱིས་དཀྲི། །གོང་མ་བཞིན་དུ་ཀུན་སྦྱར་ནས། །དངོས་གྲུབ
156a2 མཆོག་རྣམས་བདག་གིས་བྱ། །ཞེས་གསུངས་སོ། །བདུད་རྩི་རི་ལུའི་ཆོ་ག་རྣམ་པར་བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །
156a3 འདུས་པ་ཆེན་པོའི་རྣལ་འབྱོར་པ། །སྐྱོ་མའི་ཆོ་ག་འདི་ལྟ་སྟེ། །ཐམས་ཅད་གོང་མ་བཞིན་སྦྱར་ནས། །མཚན་མ་གསལ་པོ་བྱུང་བ་དང་། །ཕྱེ་མ་ཆུ་ཚགས་ནང་ནས
156a4 དབྱུང་། །ཕྱེ་མའི་མཆོག་ཏུ་གྱུར་པ་དང་། །ཕྱེ་མའི་རྒྱལ་མོ་དེ་དག་ནི། །བསེ་ཕོར་ཁ་སྦྱར་ནང་དུ་བླུགས། །རྒྱས་བཏབ་བྱིན་རླབས་དབང་བསྐུར་ནས། །བཟླས་བརྗོད
156a5 འཕྲོ་འདུ་རྒྱུན་མི་ཆད། །སྦྲང་ཆང་རྒྱ་ཆང་བུ་རམ་ཆང་། །རྒུན་ཆང་འོ་མ་ལ་སོགས་པ། །བཅུད་ཀྱི་ཁུ་བ་ཐམས་ཅད་སྦྱར། །རིན་ཆེན་གའུ་མཚན་ལྡན་དུ། །བླུགས
156a6 ཏེ་ཁ་སྦྱར་རྒྱས་བཏབ་ནས། །འཕྲོ་འདུ་བཟླས་བརྗོད་གོང་མ་བཞིན། །བྱས་ཏེ་མཚན་མ་བྱུང་བ་དང་། །དངོས་གྲུབ་ཆེན་པོ་བླང་བར་བྱ། །ཕྱེ་མའི་སྒྲུབ་རྫས་དེ་དག་ནི།།
156a7 ཆ་ལྔ་དག་ཏུ་བགོས་ནས་ཀྱང་། །རྣལ་འབྱོར་སོ་སོའི་ཆ་རྣམས་ལས། །ཅི་རན་ཙམ་གྱིས་ཆ་གཅིག་དང་། །སྦྱར་ཆང་ཆ་ལྔར་བགོས་པ་ནས། །རྣལ་འབྱོར་སོ་སོའི་ཆ
iiif viewer powered by OpenSeadragon
