| e-texts navigator |
| Wylie |
155a1 བརྒྱ་རིགས་ལྔ་རིགས་གཅིག་གིས། །ཐམས་ཅད་སྦྱང་བའི་མཆོག་ཏུ་བྱ། །དེ་ནས་ཁྲོལ་བུ་སྦྱང་བ་ན། །གསལ་བསྔོ་བསྡུ་དང་དབྱེ
155a2 བ་དང་། །ཁྲུས་བྱ་བ་དང་བཤགས་པ་དང་། །ཡོན་ཏན་བརྗོད་དང་བྱིན་དབབ་བྱ། །དེ་ནས་སྐད་ཅིག་ཐང་གཅིག་གམ། །ཞག་གཅིག་དག་གིས་སྦྱར་བར་བྱ། །རྟགས
155a3 དག་བྱུང་ན་དེར་འབྱོངས་པའོ། །ཕྱེ་མའི་མཆོག་ཏུ་སྦྱར་བ་ནི། །སྣོད་ཀྱི་སྨན་རྣམས་ཤེས་རབ་མས། །བསྡུས་ཏེ་བཏག་པའི་ཆོ་ག་ཡང་། །ཡུམ་གྱིས
155a4 བཟུང་ཞིང་ཡབ་ཀྱིས་བཏག་། རིག་འཛིན་རྩལ་ཅན་དབབ་ཅིང་དྲང་། །སོ་སོ་ལས་ཀྱི་སྔགས་བརྗོད་ཅིང་། །གཏན་གཏུན་ཐབས་དང་ཤེས་རབ་སྟེ། །སྨན་ཉིད
155a5 བྱང་ཆུབ་སེམས་སུ་སྦྱར། །རྡོ་རྗེ་གླུ་འདི་ལྷ་མོས་བླང་། །ཀུན་ཏུ་བཟང་མོའི་གཞལ་ཡས་སུ། །ཐབས་དང་ཤེས་རབ་ལྡན་པ་ན། །འཁོར་བ་བདུད་རྩི་སྨན་དུ
155a6 སྦྱར|་|ཡེ་ཤེས་ལྔ་རུ་གསལ་པ་ལས། །འབྲས་བུ་སྐུ་གསུང་ཐུགས་སུ་རྫོགས། །འཆི་མེད་བདུད་རྩིས་གཅོང་རྙིང་སྦྱང་། །མཚན་མ་བཏག་ཕྱིར་བཅལ་ནས
155a7 ནི|་|རྡོ་རྗེ་དཔལ་ལྡན་ཁ་སྦྱོར་བླུགས། །ཁ་དོག་རིགས་ལྔའི་རས་ཀྱིས་དཀྲི། །རྡོ་རྗེ་དབང་གི་རྒྱ་ཡིས་གདབ། །རྡོ་རྗེ་སྔགས་ཀྱིས་གཟུངས་ཀྱིས་གདགས། །
iiif viewer powered by OpenSeadragon
