| e-texts navigator |
| Wylie |
14a1 དག་གི་རྩོལ་བ་དང་། །སྨན་དང་སྔགས་ཀྱི་སྦྱོར་བ་ལས། །དབང་པོ་ཡིད་འཕྲོག་ཅིར་སྣང་ཡང་། །དེ་ལ་འགྲོ་འོང་ག་ལ་ཡོད། །དེ་ལྟར་སྒྲུབ
14a2 པའི་མཚན་ཉིད་ཀྱང་། །ཡིག་འབྲུ་རྫས་ཀྱི་སྦྱོར་པ་ལས། །གྲུབ་པར་སྣང་ཡང་རང་བཞིན་མེད། །ཇི་ལྟར་སྨིག་རྒྱུའི་མཚན་ཉིད་ནི། །ཞིང་པའི་དུས་ཀྱི་ཟླ་བ་ལ། །དྲོད
14a3 དང་ཉི་མའི་སྦྱོར་བ་ལས། །བྱིས་པ་གདུངས་པའི་རང་བཞིན་གྱིས། །ཆུ་ཡིས་འདུ་ཤེས་ཅི་བསྐྱེད་ཀྱང་། །ཚིམ་པའི་རྒྱུད་ནི་ག་ལ་འགྱུར། །གསང་སྔགས་མིང་གི
14a4 ཁྱད་པར་ཡང་། །རང་བཞིན་མི་དམིགས་སྟོང་པ་ལ། །མཚན་མའི་ཐ་སྙད་མིང་དུ་བཏགས། །དེ་ཉིད་སྟོང་པས་མིང་མི་དམིགས། །དཔེར་ན་རྨི་ལམ་རང་བཞིན་ནི། །སྐྱེས
14a5 བུ་གཉིད་ཀྱི་དབང་གྱུར་ན། །ཐང་གཅིག་སྐད་ཅིག་ཡུད་ཙམ་དང་། །ལོ་ལ་སོགས་པ་དེ་བཞིན་དུ། །བདེ་དང་སྡུག་བསྔལ་དེ་བཞིན་མྱོང་། །སངས་ནས་ཅི་ཡང་མི་དམིགས
14a6 ལྟར|་|དེ་བཞིན་སྔགས་ཀྱི་སྤྱོད་པ་དག་། སྟོང་པ་ཉིད་ཀྱི་རང་བཞིན་ལ། །སྤྱོད་པའི་རྣམ་པ་ཅིར་སྣང་ཡང་། །བརྟགས་ན་དམིགས་པ་ཀུན་དང་བྲལ། །གཟུགས
14a7 བརྙན་སྣང་བའི་མཚན་ཉིད་ནི། །དཔེར་ན་གདོང་དང་མེ་ལོང་ལ། །བརྟེན་ནས་བཞིན་གྱི་གཟུགས་བྱུང་ཡང་། །རེད་པར་གྱུར་པ་ག་ལ་ཡོད། །དེ་བཞིན་སྔགས་ཀྱི
iiif viewer powered by OpenSeadragon
