| e-texts navigator |
| Wylie |
13a1 སྣང་ཞིག་གུ། །རྣལ་འབྱོར་ཡབ་གྱུར་རྒྱལ་བའི་སྲས། །ངོ་མཚར་ཁྱོད་ཀྱིས་སྤྱོད་པས་ན། །བཀའ་ཡི་འཁོར་ལོ་རབ་བསྐོར་བ། སྒྲུབ
13a2 པའི་ལམ་མཆོག་དམ་པ་དག་། ཚིག་གིས་མཚོན་ཏེ་གསལ་བར་མཛོད། ། ལ་ལ་ཧོ་ཞེས་གསོལ་བ་བཏབ་བོ། །དེ་ནས་དམ་པ་རྡོ་རྗེས་རྡོ་རྗེ་བསྐོར་ཏེ་བསྒྱུར
13a3 ནས་བརྗིད་བག་ཏུ་ཚིག་ཏུ་མཚོན་ཏེ་སྨྲས་པ། ཨོཾ་ཨཱཾ་ཧཱུཾ། ཨ་ལ་ལ་ཧོ། །རྒྱལ་བའི་སྲས་པོས་ཅང་མི་གསུང་། །མི་གསུང་བས་ནི་རྒྱ་ཆེར་བཤད། །བཤད་དུ་མེད
13a4 པའི་ཆོས་འདི་ནི། །རྒྱལ་བ་རྣམས་ཀྱིས་མ་བཤད་དེ། །དེ་ལྟར་སྟོན་པ་རྒྱལ་མཆོག་ཀྱང་། །རྣམ་པར་བརྗོད་པར་མི་བཞེད་དེ། །རྒྱ་ཆེར་བཤད་པར་དགོངས་པ་འོ། །སྐྱེ་བ
13a5 མེད་པའི་ཆོས་རྣམས་ནི། །མ་སྐྱེས་པར་ཡང་སྙིང་པོར་བཞེད། །སྙིང་པོའི་དོན་དུ་གང་གྱུར་པ། །ཚིག་ཏུ་སྨྲ་བ་ལེགས་མ་ཡིན། །སྤྲོས་པ་ཉིད་ན་གོལ་བ་ཞེས། །རྒྱལ
13a6 བ་རྣམས་ཀྱིས་ཡང་དག་བཤད། །དེ་བས་རྡོ་རྗེ་རྒྱལ་པོ་ཉིད། །བཀའ་མི་སྩལ་བར་དགོངས་པའོ། །དགོངས་པའི་དོན་རྣམས་གང་འབྱིན་པ། །ཇི་ལྟར་མེ་ལོང་གཟུགས
13a7 བརྙན་ལྟར། །དགོངས་དོན་རིག་ལ་སྣང་གྱུར་པ། །མ་སྐྱེས་སྙིང་པོའི་དོན་གྱིས་ན། །ཚིག་ཏུ་སྤྲོ་བ་མ་ཡིན་ནའང་། །མཚན་མ་ཚིག་གི་རྣལ་འབྱོར་པ། །ཚིག་ལ
iiif viewer powered by OpenSeadragon
