| e-texts navigator |
| Wylie |
12b1 པོ|་|སངས་རྒྱས་ཐམས་ཅད་ཀྱི་རྗེ་བཙུན། བྱང་ཆུབ་སེམས་དཔའ་རིག་པ་འཛིན་པ་ཐམས་ཅད་ཀྱི་ཡབ། རྣལ་འབྱོར་པ་ཐམས་ཅད་ཀྱི་མེས་ཆེན་པོ། །མྱ་ངན་ལས་འདས
12b2 པ་ཐམས་ཅད་ཀྱི་དད་དཔོན། །བདུད་ཐམས་ཅད་ཀྱི་ཡང་བདུད་ཆེན་པོ། །ཆོས་ཐམས་ཅད་ཀྱི་མཛོད། ཡེ་ཤེས་ཐམས་ཅད་ཀྱི་འབྱུང་གནས་ཆེན་པོར་གྱུར་པ་ཡིན་ནོ། །དེ་ཅིའི
12b3 ཕྱིར་ཞེ་ན། ཐོག་མ་དང་ཐ་མ་མེད་པ་མཉམ་པའི་དུས། ཕ་མཐའ་ལས་ཀྱང་ཕ་མཐའ། དཔག་ཏུ་མེད་ཅིང་བསམ་དུ་མེད་པ། འབྱམས་ཀླས་པའི་དུས་ནས་བྱ་བ་བྱས
12b4 ཤིང་བྱེད་པ་བྱས་པ། མངོན་པར་རྫོགས་པར་སངས་རྒྱས་པ་ཡིན་ཏེ། ཆོས་ཐམས་ཅད་ཀྱི་རང་བཞིན་དུ་སྦྱོར་ཞིང་གནས་པས་ན། རྒྱལ་བ་ཐམས་ཅད་ཀྱི་ཐུགས་ལས་སྐྱེས་ཤིང་ཐམས་ཅད།
12b5 ཀྱི་ཡབ་ཏུ་གྱུར་པ་ཡིན་ཏེ། དེ་འདྲའོ་ཞེས་བཀའ་སྩལ་པ་ལས་འདུས་པའི་འཁོར་ཐམས་ཅད་ངོ་མཚར་དུ་འགྱུར་ཏེ། བཅོམ་ལྡན་འདས། འདིས་ནི། འདི་ལྟར་ངོ་མཚར་ལགས་སོ།།
12b6 བདེ་བར་གཤེགས་པ། འདི་ངོ་མཚར་ལགས་སོ། །སེམས་དཔའ་རྡོ་རྗེ་དམ་པ་ལ་ལོགས་སུ་བཏུད་དེ་ལུས་ས་ལ་བརྡབས་པའི་ཕྱག་རྣལ་འབྱོར་ལུགས་སུ་བྱས་ཏེ་རྨད
12b7 དུ་བྱུང་བའི་མེ་ཏོག་དང་། ཚོགས་ཀྱི་མཆོད་པ་སྣ་ཚོགས་བྱས་ཏེ། འདི་ལྟར་རྨད་བྱུང་ངོ་མཚར་ཁྱོད། །སངས་རྒྱས་ཐུགས་ལས་རྒྱལ་སྐྱེས་པ། །ཇི་ལྟར་ཞིང་འདིར
iiif viewer powered by OpenSeadragon
