| e-texts navigator |
| Wylie |
12a1 གཡོས|་འགུལ། རབ་ཏུ་འགུལ། །ཀུན་ཏུ་རབ་ཏུ་འགུལ། ལྡེག། རབ་ཏུ་ལྡེག་།ཀུན་ཏུ་རབ་ཏུ་ལྡེག་།འཁྲུགས། རབ་ཏུ
12a2 འཁྲུགས། །ཀུན་ཏུ་རབ་ཏུ་འཁྲུགས། འུར། རབ་ཏུ་འུར། ཀུན་ཏུ་རབ་ཏུ་འུར། ཆེམ། རབ་ཏུ་ཆེམ། ཀུན་ཏུ་རབ་ཏུ་ཆེམ་པར་གྱུར་ཏེ། ཞིང་ཁམས་ཐམས
12a3 ཅད་ནི། གསང་བའི་དཀྱིལ་འཁོར་ཤ་སྟག་ཏུ་གྱུར། བཅུད་ཡུལ་ཐམས་ཅད་ནི། ཕྱག་རྒྱ་ཆེན་པོར་གྱུར། །རྣམ་པར་རྔམ་པའི་ཚུལ་གྱིས་སྟོན་པའི
12a4 མདུན་ལོགས་སུ་སེངྒེ་རྡོ་རྗེས་མཚན་པའི་གདན་ལ་འགྱིང་བག་གི་ཚུལ་གྱིས་རྣམ་པར་གནས་སོ། །དེ་ནས་འདུས་པའི་འཁོར་ཚོགས་ཕལ་མོ་ཆེ་རྣམས་ཀྱིས
12a5 བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ེ་མ་བཅོམ་ལྡན་འདས། སེམས་དཔའ་རྡོ་རྗེ་འདི་ནི། འདི་ལྟར་མཐུ་ཆེ་བ། འདི་ལྟར་བྱིན་རླབས་ཆེ་བ། འདི
12a6 ལྟར་རྒྱ་ཆེ་བ། འདི་ལྟར་མཁས་པ། འདི་ལྟར་གསལ་ཞིང་ཟབ་པ་ནི། བཅོམ་ལྡན་འདས་ཀྱི་ཐུགས་ལས་སྐྱེས་པ་ལགས་སོ། །ཞེས་གསོལ་བ་དང་། བཅོམ
12a7 ལྡན་འདས་ཀྱིས་བཀའ་སྩལ་བ། འདུས་པ་ཆེན་པོའི་ཚོགས། སེམས་དཔའ་རྡོ་རྗེ་འདི་ནི། བྱང་ཆུབ་ཀྱི་སེམས་ཐམས་ཅད་ཀྱི་ཕྱི་མོ། །སྙིང་རྗེ་ཐམས་ཅད་ཀྱི་བདག
iiif viewer powered by OpenSeadragon
