| e-texts navigator |
| Wylie |
434a1 @#། །ཀྱི་དོན་དམ་པའི་བདེན་པ་ཙམ་ཀྱང་སྤངས་ན་ཀུན་རྫོབ་ཀྱི་བདེན་པ་ལྟ་ག་ལ་ཡོད་དེ་བདེན་པ་གཉིས་སུའང་དབྱེར་མེད་པའི་ཕྱིར་རོ། །ལྟ་བ་དང་།
434a2 སྤྱོད་པ་ལ་བློ་གནས་པ་ནི། རྣལ་འབྱོར་པས་ཐོབ་པ་དང་། ས་ལ་བསྙེན་པ་རྣམས་ཏེ། དེ་ཅིའི་ཕྱིར་ཞེ་ན། རྣལ་འབྱོར་བློ་མཉམ་པ་ཉིད་དུ་བློ་ཆུང་བ་རྣམས་ལ་ནི་བདེན་པ་རྣམས
434a3 པ་གཉིས་ཀྱི་ཚུལ་ཡོད་དེ་དོན་དམ་པར་མ་སྐྱེས་པའི་ཚུལ་དུ་བློ་ཆུད་པ་དང་། ཀུན་རྫོབ་ཏུ་མཚན་མ་ཐབས་ཀྱི་ཕྱག་རྒྱ་སྒྱུ་མའི་ཚུལ་དུའང་མེད་པ་མ་ཡིན་ཏེ། མཚན་མ
434a4 མེད་པའི་རྣལ་འབྱོར་དང་། མཚན་མའི་རྣལ་འབྱོར་གཉིས་དང་ལྡན་པའི་ཕྱིར་རོ། །སློབ་པའི་རྣལ་འབྱོར་དེ་ནི་བདེན་པ་རྣམ་པ་གཉིས་ལ་བརྟེན་ནས་ལྷུན་གྱིས་གྲུབ་པའི
434a5 ས་གོམས་པ་ཆེ་ཆུང་གིས་འགྲུབ་བ་ཡིན་ནོ། །སྒྲའི་རྗེས་སུ་འབྲང་བའི་རྣལ་འབྱོར་དོན་ལས་རིང་དུ་གྱུར་པ་རྣམས་ནི་སྤྱོད་པ་འབའ་ཞིག་ལ་བློ་གནས་ཏེ། དེ་ཅིའི་ཕྱིར
434a6 ཞེ་ན། ལོག་པའི་ཀུན་རྫོབ་འབའ་ཞིག་ལ་རྟོག་གི་།ཡང་དག་པའི་ཀུན་རྫོབ་ལྷའི་དཀྱིལ་འཁོར་ཡང་མཐོང་བ་མེད་པའི་ཕྱིར། །སྨྲ་བའི་སེངྒེ། དེ་བས་ན་ལོག
434a7 པའི་ཀུན་རྫོབ་སོ་སོའི་སྐྱེ་བོ་ལྟ་བུའི་ཆོས་ལ་བརྟེན་ནས་ཡང་དག་པའི་ཀུན་རྫོབ་ཀྱི་བདེན་པ་ལྷ་དང་། ལྷ་མོའི་དཀྱིལ་འཁོར་དུ་ཆོས་ཐམས་ཅད་ཤེས་པར་བྱའོ། །
iiif viewer powered by OpenSeadragon
